ଅନେକ ସମୟ ଧରି ଠିଆ ହୋଇଥିଲା ଟ୍ରକ୍, ଭିତରେ ଦେଖିବା ପରେ..
![](https://samajalive.in/wp-content/uploads/2024/06/snake-3-2-750x430.png)
ନୂଆଦିଲ୍ଲୀ : ସଣ୍ଡିଲା-ଚକଲବଂଶୀ ମାର୍ଗର ସିମଉ ଶାରଦା ନହରପୁର ନିକଟରେ ରବିବାର ଡମ୍ଫରର କ୍ୟାବିନରେ ଚାଳକଙ୍କ ମୃତଦେହ ମିଳିଛି । ଘଟଣାସ୍ଥଳରେ ପୁଲିସ ପହଞ୍ଚି ଫରେନ୍ସିକ୍ ଟିମ୍ ସାହାଯ୍ୟରେ ଯାଞ୍ଚ କରି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ଚାଳକଙ୍କ ପାଖରୁ ମିଳିଥିବା ଫୋନ୍ ସାହାଯ୍ୟରେ ତାଙ୍କ ପରିବାରଲୋକଙ୍କୁ ସୂଚନା ଦିଆଯାଇଥିଲା । ନିଶା ଦ୍ରବ୍ୟ ଖାଇବାରୁ କିମ୍ବା ଅତ୍ୟଧିକ ଗରମ ଯୋଗୁଁ ମଧ୍ୟ ତାଙ୍କ ମୃତ୍ୟୁ ହୋଇଥାଇପାରେ ବୋଲି ଅନୁମାନ କରାଯାଉଛି ।
ଜୌନପୁର ଜିଲା ସରପତହା ଥାନା ଅନ୍ତର୍ଗତ କଟଘରନଗର ଅଧିବାସୀ ୨୮ ବର୍ଷୀୟ ବିପିନ ଗିରି ଡମ୍ଫର ଚଳାଇ ପରିବାର ଚଳାନ୍ତି । ଶନିବାର ସେ ସଣ୍ଡିଲାରେ ମୋରମ୍ ପକାଇ ଫେରୁଥିଲେ । ଦ୍ବିପ୍ରହର ୩ଟାରେ ସିମଉ ନିକଟରେ ଡମ୍ଫର ଠିଆ ହୋଇଥିଲା । ରବିବାର ସକାଳ ପର୍ଯ୍ୟନ୍ତ ଡମ୍ଫର ଠିଆ ହେବା ଦେଖି ଲୋକେ ସନ୍ଦେହ କରିଥିଲେ । ଭିତରକୁ ଚାହିଁବା ପରେ ଡମ୍ଫର କ୍ୟାବିନରେ ଚାଳକଙ୍କ ମୃତଦେହ ମିଳିଥିଲା । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲା । ଚାଳକ ନିଶା ଦ୍ରବ୍ୟ ସେବନ କରିଥିବା ଏବଂ ଅତ୍ୟଧିକ ଗରମ ଯୋଗୁଁ ପ୍ରାଣ ହରାଇଥିବା ଅନୁମାନ କରାଯାଉଛି । ତେବେ ଶବ ବ୍ୟବଚ୍ଛେଦ ପାଇଁ ଦିଆଯାଇଛି ଏବଂ ପରେ ସମ୍ପୂର୍ଣ୍ଣ ତଥ୍ୟ ଆସିବ ବୋଲି କହିଛି ପୁଲିସ ।
Comments are closed.