ରେଙ୍ଗlଲିକ୍ୟାମ୍ପ: ଅତାବିରା ନିୟନ୍ତ୍ରିତ ବଜାର କମିଟି ପ୍ରାଙ୍ଗଣରେ ଓଡ଼ିଶା ରାଜ୍ୟ କୃଷକ ସଂଗଠନ ଅତାବିରା ପକ୍ଷରୁ ନବ ନିର୍ବାଚିତ ବିଜେପିର ବରଗଡ଼ ସାଂସଦ ପ୍ରଦୀପ ପୁରୋହିତ ଓ ଅତାବିରା ବିଧାୟକ ନିହାର ରଞ୍ଜନ ମହାନନ୍ଦଙ୍କୁ ସ୍ଵାଗତ ସମ୍ବର୍ଦ୍ଧନା ଦିଆଯାଇଛି। ଏହି ସମ୍ବର୍ଦ୍ଧନା ସଭାରେ ବିରେନ୍ କର ସଭାପତିତ୍ୱ କରିଥିଲେ। ଏଥିରେ ଅତାବିରା ଅଞ୍ଚଳର ବିଭିନ୍ନ ଅନୁଷ୍ଠାନ ଓ ଚାଷୀ ମାନେ ସାମିଲ ହୋଇଥିଲେ। ନିର୍ବାଚନ ପୂର୍ବରୁ ପ୍ରଚାର ସମୟରେ ଲୋକଙ୍କୁ ଦେଇଥିବା ପ୍ରତିଶ୍ରୁତିକୁ କାର୍ଯ୍ୟକାରୀ କରିବା ପାଇଁ ପୁଣି ଥରେ ନିଜର ବକ୍ତବ୍ୟରେ ପ୍ରକାଶ କରିଥିଲେ। ଭାରତୀୟ ଜନତା ପାର୍ଟି କଥାରେ ନୁହେଁ କାମରେ ବିଶ୍ୱାସ କରେ ବୋଲି ଉଦବୋଧନ ଦେଇଥିଲେ। ଅତାବିରା ନିର୍ବାଚନ ମଣ୍ଡଳୀକୁ ବିକାଶ କ୍ଷେତ୍ରରେ ସର୍ବୋଚ୍ଚ ସ୍ଥାନରେ ରଖିବା ପାଇଁ ଶ୍ରୀଯୁକ୍ତ ମହାନନ୍ଦ ଦୃଢୋକ୍ତି ପ୍ରକାଶ କରିଥିଲେ। ଚାଷୀ ମାନଙ୍କ ବିକାଶ ଅଞ୍ଚଳର ବିକାଶ, ତେଣୁ ବିଜେପି ସରକାର ଉପରେ ଅସ୍ଥା ବାନ୍ଧିଥିବା ଅଞ୍ଚଳର ଚାଷୀ ମାନଙ୍କର ବିକାଶ କରିବା ବିଜେପିର ପ୍ରଥମ ଲକ୍ଷ୍ୟ ବୋଲି ସାଂସଦ ଶ୍ରୀ ପୁରୋହିତ ପ୍ରକାଶ କରିଥିଲେ।
Comments are closed.