ସିମୁଳିଆ: ନିଛାଟିଆ ସ୍ଥାନରେ ଥିବା ଏକ ଗଛରୁ ପୁଲିସ ଦ୍ଵାରା ଜଣେ ଯୁବକଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି। ପାରିବାରିକ କଲହରୁ ଏପରି ଘଟଣା ଘଟିଥାଇ ପାରେ ବୋଲି ଚର୍ଚ୍ଚା ହେଉଛି। ତେବେ ମୃତ ଯୁବକଙ୍କ ଆତ୍ମହତ୍ୟାର ପ୍ରକୃତ କାରଣ କ’ଣ, କେଉଁ ପରିସ୍ଥିତିରେ ସେ ଆତ୍ମହତ୍ୟା କରିଛନ୍ତି ନା ଅନ୍ୟ କିଛି କାରଣ ରହିଛି ତାହା ଜାଣିବା ପାଇଁ ସିମୁଳିଆ ଥାନା ପୁଲିସ ଛାନଭିନ ଆରମ୍ଭ କରିଛି। ତଦନ୍ତ ପରେ
ବାଲେଶ୍ବର ଜିଲା ସିମୁଳିଆ ଥାନା ଅନ୍ତର୍ଗତ ମାଣିତ୍ରୀ ପଞ୍ଚାୟତର ଓଲଦପୁର ଗ୍ରାମର ଏକ ନିଛାଟିଆ ସ୍ଥାନରେ ଥିବା ଏକ କଦମ୍ବ ଗଛରେ ରଶି ଲଗାଇ ଜଣେ ଯୁବକଙ୍କ ମୃତଦେହ ଝୁଲନ୍ତ ଅବସ୍ଥା ରହିଥିବା ଦେଖି ଓ ସ୍ଥାନୀୟ ଲୋକେ ଦେଖି ସିମୁଳିଆ ପୁଲିସକୁ ଖବର ଦେଇଥିଲେ ।
ଖବର ପାଇ ସିମୁଳିଆ ପୁଲିସ ଘଟଣା ସ୍ଥଳରେ ପହଞ୍ଚି ଯୁବକଙ୍କ ଝୁଲନ୍ତା ମୃତଦେହକୁ ଉଦ୍ଧାର ପରେ ତଦନ୍ତ ଆରମ୍ଭ କରିଥିବା ଜଣାଯାଇଛି । ମୃତକ ଜଣକ ଭଦ୍ରକ ଜିଲା ଆଗରପଡା ଥାନା ଅଞ୍ଚଳର କାଦବରାଙ୍ଗର ମୁରଲୀ ନାୟକଙ୍କ ପୁଅ ଅଲେଖ ବୋଲି ପୁଲିସ ସୂଚନା ଦେଇଛି। ଅଲେଖର ଶଶୁର ଘର ସିମୁଳିଆ ଥାନା ଅନ୍ତରା ପଞ୍ଚାୟତର ନୂଆ ଗ୍ରାମର ବୋଲି ଜଣାପଡିଛି । ପାରିବାରିକ କଳହ ଯୋଗୁଁ ଏଭଳି ଘଟଣା ଘଟିଥାଇ ପାରେ ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି। ତେବେ ତଦନ୍ତ ପରେ ଅଲେଖଙ୍କ ଆତ୍ମହତ୍ୟାର ପ୍ରକୃତ କାରଣ ଜଣାପଡ଼ିବ ବୋଲି ସିମୁଳିଆ ପୁଲିସ ସୂଚନା ଦେଇଛି।
