କାବୁଲ . – ଆଫଗାନୀସ୍ତାନରେ ଏକ ସରକାରୀ କାର୍ଯ୍ୟାଳୟରେ ୪୩ ଜଣଙ୍କୁ ଗୁଳି କରି ହତ୍ୟା କରାଯାଇଛି । ଆତଙ୍କବାଦୀମାନେ ପ୍ରଥମେ ଏହି କାର୍ଯ୍ୟାଳୟର ପ୍ରବେଶ ଦ୍ୱାରରେ ଏକ କାରକୁ ବସ୍ଫୋରଣ କରି ଉଡ଼ାଇ ଦେଇଥିଲେ । ପରେ ବନ୍ଧୁକଧାରୀ ଏହି ସରକାରୀ କାର୍ଯ୍ୟାଳୟରେ ପ୍ରବେଶ କରି ଆଖିବୁଜା ଗୁଳିମାଡ଼ କରିଥିଲେ । କୌଣସି ଆତଙ୍କବାଦୀ ସଂଙ୍ଗଠନ ଏଥିପାଇଁ ନିଜକୁ ଦାୟୀ କରି ନାହାନ୍ତି ।
ପୂର୍ବରୁ ତାଲିବାନ ଓ ଆତଙ୍କବାଦୀ ସଙ୍ଗଠନ ଇସଲାମିକ୍ ଷ୍ଟେଟ୍ ପକ୍ଷରୁ ଏପରି ଆକ୍ରମଣ କରାଯାଇଥିଲା । ଚଳିତ ବର୍ଷର ଆଫଗାନୀସ୍ତାନ ରାଜଧାନୀରେ ଏହା ସବୁଠାରୁ ବଡ ଆକ୍ରମଣ । କୌଣସି ଆତଙ୍କବାଦୀ ସଙ୍ଗଠନ ଏଥିପାଇଁ ନିଜକୁ ଦାୟୀ କରି ନାହାନ୍ତି ।
ଆକ୍ରମଣ ସୂଚନା ପାଇବାପରେ ସୁରକ୍ଷା କର୍ମୀ ଏହି କାର୍ଯ୍ୟାଳୟକୁ ଚାରିପଟୁ ଘେରି ରହିଛନ୍ତି । ଆକ୍ରମଣକାରୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମୟ ଜାରୀ ରହିଛି । ଏଥିରେ ୫ ଜଣ ଆତଙ୍କବାଦୀଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ୩୫୦ ଜଣ ସାଧାରଣ ନାଗରିକଙ୍କୁ ମୁକ୍ତ କରାଯାଇଛି।
ଏହା ପୂର୍ବରୁ ଏକ ଭିଡ ବଜାରରେ ଜଣେ ଆତଙ୍କବାଦୀ ଆତ୍ମଘାତୀ ବିସ୍ଫୋରଣ କରି ନିଜକୁ ଉଡ଼ାଇ ଦେଇଥିଲା । ଏଥିରେ ୫୫ ଜଣଙ୍କର ମୃତ୍ୟୁ ହୋଇଥିଲା ।
