ରେଙ୍ଗାଲିକ୍ୟାମ୍ପ: ଅତାବିରା ଆରଏମସି ମାର୍କେଟ ପଛପଟ ପଡ଼ିଆରେ ଶନିବାର ରାତିରେ ୮ ଜଣ ଯୁବକ ଜୁଆ ଖେଳୁଥିବା ସମୟରେ ବିଶ୍ୱସ୍ତ ସୂତ୍ରରୁ ଖବର ପାଇ ଅତାବିରା ଥାନା ଅଧିକାରୀ ସୁକୁମାର ତ୍ରିପାଠୀ ସଦଳବଳେ ଚଢାଉ କରିଥିଲେ। ଏହି ସମୟରେ ଜୁଆଡ଼ିମାନେ ଖସି ପଳାଇବାକୁ ଉଦ୍ୟମ କରିଥିଲେ ମଧ୍ୟ ପୁଲିସ ଜାଲରେ ଛନ୍ଦି ହୋଇଯାଇଥିଲେ। ସମସ୍ତ ୮ ଜଣଙ୍କୁ ଗିରଫ କରିବା ସହ ୫୯ ହଜାର ୪୫୦ ଟଙ୍କା, ୮ ଟି ମୋବାଇଲ, ଦୁଇଟି ବାଇକ୍ ଜବତ କରିଛି ପୁଲିସ। ଗିରଫ ଅଭିଯୁକ୍ତମାନେ ହେଲେ ଅତାବିରାର ସି ଏଚ୍ ଶ୍ରୀନିବାସ(୪୫), ନବୀନ ଦାଶ(୩୫), ପ୍ରତାପ କେଶରୀ ସେଠ୍(୩୩), ଅମିତ୍ କୁମାର ବାଗ(୩୭), ମନୋଜ, କଳାପାଣିର ଶ୍ରଦ୍ଧାକର ରଣା(୩୫), ସୁବରାଜ୍ ଗୁପ୍ତା(୩୩) ଓ ଚେନେଇଆ ସେଠୀ(୨୯)। ରବିବାର ସନ୍ଧ୍ୟାରେ ଏମାନଙ୍କ ବିରୁଦ୍ଧରେ ମାମଲା ରୁଜୁ କରି ପୁଲିସ କୋର୍ଟ ଚାଲାଣ କରିଛି। ପ୍ରକାଶ ଥାଉକି, ଦୀର୍ଘ ଦିନ ଧରି ଏମାନେ ପୁଲିସ ଆଖିରେ ଧୂଳି ଦେଇ ଜୁଆ ଖେଳରେ ଲିପ୍ତ ରହି ଆସୁଥିଲେ।
Popular Categories
Previous article
Next article