ହିଜାବ ଆଳରେ ମହିଳାଙ୍କ ଉପରେ ବଢୁଛି ଦମନଲୀଳା

ଡେସ୍କ: ଇସ୍ରାଏଲ ସହ ଉତ୍ତେଜନା ବଢ଼ୁଥିବାରୁ ଗତ ଏକ ସପ୍ତାହ ହେବ ଇରାନ ଚର୍ଚ୍ଚାରେ ରହିଛି। ଏପ୍ରିଲ ୧୩ ତାରିଖରେ ତେହେରାନ ଇସ୍ରାଏଲ ମାଟିରେ ସିଧାସଳଖ ଆକ୍ରମଣ କରି ବହୁ ସଂଖ୍ୟକ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଥିଲା। ସେହିଦିନ ତେହେରାନ ମଧ୍ୟ ଦେଶ ଭିତରେ ଏକ ନୂଆ ଅଭିଯାନ ଆରମ୍ଭ କରିଥିଲା, ଯେଉଁଥିରେ ବାଧ୍ୟତାମୂଳକ ହିଜାବ ପିନ୍ଧିବାକୁ ମନା କରୁଥିବା ମହିଳାମାନଙ୍କୁ ଗିରଫ କରିବାକୁ ପୁଲିସକୁ ନିର୍ଦ୍ଦେଶ ଦିଆଯାଇଥିଲା।

ବିଜେପିକୁ ୫ ବର୍ଷ ଦିଅନ୍ତୁ, ଓଡ଼ିଶାକୁ ଦେଶରେ ଏକ ନମ୍ବର କରିବୁ-ଅମିତ ଶାହ

ସୋସିଆଲ ମିଡିଆ ପ୍ଲାଟଫର୍ମରେ ‘ଇରାନ ହିଜାବ’ର ସର୍ଚ୍ଚ କଲେ ସୁରକ୍ଷା ଅଧିକାରୀମାନେ କିପରି ସେମାନଙ୍କୁ ଟାଣି ନେଇଛନ୍ତି କିମ୍ବା ଅଟକ ରଖିଛନ୍ତି ସେ ବିଷୟରେ ବର୍ଣ୍ଣନା କରୁଥିବା ମହିଳାଙ୍କ ଅନେକ ବିବରଣୀ ସାମ୍ନାକୁ ଆସିବ, ଯାହାକୁ ନେଇ ମାନବାଧିକାର କର୍ମୀମାନେ କ୍ଷୋଭ ପ୍ରକାଶ କରିବା ସହ ସୁପ୍ରିମ୍ ନେତ୍ରୀ ଆୟାତୋଲ୍ଲା ଅଲ୍ଲୀ ଖାମିନିଙ୍କ ସମେତ ଦେଶର କର୍ତ୍ତୃପକ୍ଷଙ୍କୁ ନିନ୍ଦା କରିଛନ୍ତି।

ଲଣ୍ଡନରେ ରୟାଲ ମିଲିଟାରୀ ଘୋଡ଼ା ଆକ୍ରମଣରେ ୪ ଆହତ

ଗତ ସପ୍ତାହରେ ଇରାନର ଅଧିକାରୀମାନେ ଦେଶରେ ହିଜାବ ନିୟମ ଉଲ୍ଲଂଘନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ନୁର (ଅର୍ଥାତ୍ ପାରସୀ ଭାଷାରେ ଆଲୋକ) ନାମକ ଏକ ନୂତନ ଅଭିଯାନ ଆରମ୍ଭ କରିଥିଲେ ଏବଂ ସେବେଠାରୁ ଅନେକ ମହିଳା ସୋସିଆଲ ମିଡିଆରେ ଇରାନର ନୈତିକତା ପୋଲିସ – ଗାଶତ-ଏ-ଏରଶାଦ ଦ୍ୱାରା ନିର୍ଯାତନାର ଶିକାର ହେବାର ଦୁଃଖଦ କାହାଣୀ ସେୟାର କରିଛନ୍ତି।

ଆଦର୍ଶ ଆଚରଣ ବିଧି ଉଲ୍ଲଂଘନ: ବିଜେପି-କଂଗ୍ରେସକୁ ଜବାବ ମାଗିଲେ ନିର୍ବାଚନ କମିଶନ

ଏଭଳି ଏକ ଉଦାହରଣ ହେଉଛି, ତେହେରାନର ଏକ ବ୍ୟସ୍ତବହୁଳ ରାସ୍ତା ଦେଇ ଯାଉଥିବା ଜଣେ ମା’ ଓ ଝିଅଙ୍କୁ ଏଜେଣ୍ଟମାନେ ଅସଦାଚରଣ କରିଥିଲେ। ଗିରଫକୁ ବିରୋଧ କରିବାରୁ ସେମାନଙ୍କୁ ଏକ ଭ୍ୟାନ ଭିତରକୁ ଟାଣି ନିଆଯାଇଥିଲା। ଦି ଗାର୍ଡିୟନ୍ ଖବରକାଗଜ ଅନୁଯାୟୀ, ଦିନା ଗାଲିବାଫ୍ ନାମକ ଅନ୍ୟ ଜଣେ ମହିଳାଙ୍କୁ ସାଦେଗିହ ମେଟ୍ରୋ ଷ୍ଟେସନର ପୋଲିସ ରୁମକୁ ନିଆଯାଇଥିଲା। ଯେତେବେଳେ ସେ କହିଥିଲେ ଯେ ସେ ଜଣେ ଟିକସଦାତା ଏବଂ ମେଟ୍ରୋ ବ୍ୟବହାର କରିବାର ଅଧିକାର ଅଛି, ସେତେବେଳେ ତାଙ୍କୁ ହଇରାଣ କରାଯାଇଥିଲା। ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ ଜଣେ ଅଧିକାରୀ ତାଙ୍କୁ ଯୌନ ନିର୍ଯାତନା ଦେଇଛନ୍ତି।

ସୁରକ୍ଷା କର୍ମୀଙ୍କ ଗୁଳି ବିନିମୟରେ ୨ ନକ୍ସଲ ନିହତ

ଇରାନର ଅନେକ ସାମାଜିକ କର୍ମୀ ଓ ମହିଳାଙ୍କ କହିବା ଅନୁଯାୟୀ, ଦେଶର ସର୍ବୋଚ୍ଚ ନେତାଙ୍କ ନିକଟରେ ଦିଆଯାଇଥିବା ବୟାନ ପରେ ହିଜାବ ଆଇନ ଉଲ୍ଲଂଘନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉଛି। ୱାଶିଂଟନ ପୋଷ୍ଟର ଏକ ରିପୋର୍ଟ ଅନୁଯାୟୀ, କିଛି ଇରାନୀ ସନ୍ଦେହ କରୁଛନ୍ତି ଯେ ସବୁ ପ୍ରକାର ଅସନ୍ତୋଷକୁ ଦୂର କରିବା ପାଇଁ ଦୀର୍ଘ ଦିନ ଧରି ଚାଲିଥିବା ଅଭିଯାନର ଏହା ସଦ୍ୟତମ ଫଳ।

ଇରାନରେ ହିଜାବ ଏକ ବିବାଦୀୟ ବିଷୟ ପାଲଟିଛି। ଗତ ବର୍ଷ ସେପ୍ଟେମ୍ବର ମାସରେ ଇରାନର ସଂସଦରେ ଏକ ନୂଆ ‘ହିଜାବ ଓ ପବିତ୍ରତା’ ବିଲ୍ ପାରିତ ହୋଇଥିଲା, ଯେଉଁଥିରେ ‘ଅନୁପଯୁକ୍ତ’ ପୋଷାକ ପିନ୍ଧିଥିବା ବ୍ୟକ୍ତିଙ୍କୁ ୧୦ ବର୍ଷ ପର୍ଯ୍ୟନ୍ତ ଜେଲ୍ ଦଣ୍ଡ ଭୋଗିବାକୁ ପଡ଼ିପାରେ। ଗଣମାଧ୍ୟମ ଓ ସୋସିଆଲ ନେଟୱର୍କରେ ‘ନଗ୍ନତାକୁ ପ୍ରୋତ୍ସାହନ’ ଦେଉଥିବା କିମ୍ବା ହିଜାବକୁ ଉପହାସ କରୁଥିବା ବ୍ୟକ୍ତି ଏବଂ ମହିଳା ଡ୍ରାଇଭର କିମ୍ବା ଯାତ୍ରୀ ହିଜାବ କିମ୍ବା ଉପଯୁକ୍ତ ପୋଷାକ ପିନ୍ଧି ନଥିବା ଗାଡ଼ି ମାଲିକଙ୍କ ପାଇଁ ଜରିମାନା ବ୍ୟବସ୍ଥା କରାଯାଇଛି।