ଆଜି ଏହି ରାଶିଙ୍କର ଚମକିବ ଭାଗ୍ୟ: ଗୁରୁବାର ରାଶିଫଳ

ମେଷ: ଜଣେ ଆଗ ଧାଡ଼ିର ବ୍ୟକ୍ତି ଭାବେ ଆଜି ଯାହା ଆପଣ ଅଙ୍ଗ ନିଭାଇବେ; ତାହା ଆପଣଙ୍କର ଏକ ଅଭୁଲା ଅନୁଭୂତି ହେବ। ସେବା ଭାବନାରେ ଉନ୍ମୁଖ ହୋଇ ସାମାଜିକ ଆଦର ଲାଭ କରିବେ।
ବୃଷ: ଆଶା କରି ନିରାଶା ହୋଇପାରନ୍ତି। ସୀମିତ ରୋଜଗାର ଏହାର କାରଣ ହୋଇପାରେ। ଭ୍ରାତୃଭାବ ସ୍ନେହପୂର୍ଣ୍ଣ ହେବ। ଆତ୍ମବଳରେ ବଳୀୟାନ୍‌ ହେବେ। ଶତ୍ରୁକୁ ପଦାନତ କରି ଆଗକୁ ବଢ଼ିବେ।
ମିଥୁନ: ଆୟ ଆଶାନୁରୂପ ହେବ। ବ୍ୟବସାୟରେ ଲାଭବାନ୍‌ ହେବେ। ସେବା ଓ ପରୋପକାରକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। ଧର୍ମ କାର୍ଯ୍ୟରେ ଧନ ବ୍ୟୟ କରି ପ୍ରଶଂସାର ପାତ୍ର ହେବେ। ସୁସ୍ଥ ରହିବେ।
କର୍କଟ:ଜଣେ କୃଷି ବିଷାରଦ ଭାବେ କୃଷକଙ୍କୁ ସଚେତନ କରାଇବେ। ଉଦାର ସ୍ବଭାବ ଓ ଉଦାର ଚରିତସମ୍ପନ୍ନ ହେବେ। ଜ୍ଞାନୀ ଓ ଶାସ୍ତ୍ରଜ୍ଞ ହୋଇପାରନ୍ତି। ମଧୁର କଥାରେ ପରକୁ ଆପଣାର କରିପାରନ୍ତି।
ସିଂହ:ଈଶ୍ବରୀୟ ବିଭୂତି ପ୍ରାପ୍ତ ହୋଇ ଧନ, ଜନ, ଗୋପ, ଲକ୍ଷ୍ମୀଯୁକ୍ତ ହୋଇପାରନ୍ତି। ପରର ଶୁଭ କାମନା ଭଳି ଏକ ମାନବୋଚିତ କାର୍ଯ୍ୟ କରି ପ୍ରଜ୍ଞାର ଉନ୍ମେଷ ପାଇଁ ପ୍ରାର୍ଥନାରତ ହେବେ। ସର୍ବତ୍ର ବିଜୟୀ ହେବେ।
କନ୍ୟା:ଘରେ ବିଜୁଳି ଚମକ ଭଳି ଲୁପ୍ତ ଭାଷା, ସାହିତ୍ୟର ପୁନରୁଦ୍ଧାର ପାଇଁ ଲେଖନୀ ଚାଳନା କରିବେ। ମଧୁର ଭାଷୀ, ସହନଶୀଳ ଓ ଶାନ୍ତିପ୍ରିୟ ହେବେ। ଆପଣଙ୍କ ସାହିତ୍ୟକୃତି ଭାଗ୍ୟ ପରିବର୍ତ୍ତନ କରିପାରେ।
ତୁଳା:  ଆନୁଷ୍ଠାନିକ କାମରେ ସାଙ୍ଗଠନିକ କାର୍ଯ୍ୟରେ ନେତୃତ୍ବ ନେଇ ପ୍ରଶଂସିତ ହେବେ। ସାମାଜିକ ସ୍ତରରେ ସମ୍ମାନ ଲାଭ ଓ ପଦମର୍ଯ୍ୟାଦା ବୃଦ୍ଧି ପାଇବ। ଜିଦ୍‌ଖୋର ମନୋଭାବ ତ୍ୟାଗ କରିବା ଉଚିତ।
ବିଛା: ସାଧାରଣ କଥାକୁ କେନ୍ଦ୍ରକରି ମନରେ ବିରକ୍ତି ଭାବ ସୃଷ୍ଟି ହୋଇପାରେ। ସଭା ସମିତିରେ ଆଲୋଚନା ଦ୍ବାରା ସମସ୍ୟାର ସରଳ ସମାଧାନ ହୋଇପାରିବ। ପାରିବାରିକ ସମସ୍ୟାର ସରଳ ସମାଧନ କରିପାରନ୍ତି।
ଧନୁ: ସାମାନ୍ୟ ଶାରୀରିକ ଅସୁସ୍ଥି ଅନୁଭବ କରିବା ସହ ପ୍ରିୟଜନଙ୍କ ସହ ସମ୍ପର୍କ ହାନି ଯୋଗଁୁ ଚିନ୍ତିତ ହେବାକୁ ପଡ଼ିବ। ପରେ ଭୁଲ ବୁଝାମଣା ହେତୁ ସ୍ତ୍ରୀଙ୍କ ସହ ମତ ପାର୍ଥକ୍ୟ ଦେଖା ଦେଇପାରେ।
ମକର: ବନ୍ଧୁଙ୍କ ଆନ୍ତରିକତାର ପରାମର୍ଶକୁ ନିର୍ବିବାଦରେ ଗ୍ରହଣ କରିନେଲେ ବିଭିନ୍ନ ଦିଗରୁ ଉପକୃତ ହୋଇପାରିବେ। କର୍ମକ୍ଷେତ୍ରରେ ଉପରିସ୍ଥଙ୍କ ସାହାଯ୍ୟ ଲାଭ କରିପାରନ୍ତି। ସ୍ଥଗିତ କାମକୁ ଶେଷ କରିପାରନ୍ତି।
କୁମ୍ଭ:ସରଳ ଭାବରେ କୌଣସି କଥାକୁ ଗ୍ରହଣ ନ କରି ପରୀକ୍ଷା କରି କାମରେ ଲଗାଇଲେ ଉପକୃତ ହୋଇପାରିବେ। ଅଫିସରେ ବାଦବିବାଦ କ୍ରମେ ଜଟିଳ ହେବ କିନ୍ତୁ ଆପଣ ଅବଶ୍ୟ ସଫଳତା ଲାଭ କରିପାରନ୍ତି।
ମୀନ: ଆକସ୍ମିକ ବିପଦ ଆସିପାରେ। କୌଣସି କ୍ଷେତ୍ରରେ ତରବରିଆ ପଦକ୍ଷେପ ନେବା ଠିକ୍‌ ହେବ ନାହିଁ। ଅସମର୍ଥିତ ସୂତ୍ରରୁ ଶୁଣା କଥାକୁ ବିଶ୍ବାସ କଲେ ଅସୁବିଧାର ସମ୍ମୁଖୀନ ହୋଇପାରନ୍ତି। ଅଶାନ୍ତି ଦୂର ହେବ।