ମୁଖୀଗୁଡା: କଳାହାଣ୍ଡି ଜିଲ୍ଲା ଜୟପାଟଣା ଉପନିବନ୍ଧନ କାର୍ଯ୍ୟାଳୟକୁ ବିଭିନ୍ନ ଅଞ୍ଚଳରୁ ଲୋକେ ବିଭିନ୍ନ କାମ ପାଇଁ ଆସିଥାନ୍ତି। ଏହି କାର୍ଯ୍ୟାଳୟରୁ ସରକାର ବାର୍ଷିକ ପ୍ରାୟ ଏକ କୋଟି ଟଙ୍କାର ରାଜସ୍ବ ପାଉଥିଲେ ହେଁ ଏହି କାର୍ଯ୍ୟାଳୟକୁ ଆସୁଥିବା ଲୋକେ ପିଇବା ପାଣି ପାଇଁ ନାହିଁ ନଥିବାର ଅସୁବିଧାର ସମ୍ମୁଖୀନ ହେଉଛନ୍ତି। କାର୍ଯ୍ୟାଳୟ ନିକଟରେ ପିଇବା ପାଣିର ବ୍ୟବସ୍ଥା ନାହିଁ କି କାର୍ଯ୍ୟାଳୟର କର୍ମଚାରୀଙ୍କ ପାଇଁ ଶୌଚାଳୟର ମଧ୍ୟ ବ୍ୟବସ୍ଥା ନାହିଁ ।
ମନଛୁଆଁ ଭିଡିଓ ; ଦୋକାନ ଭିତରେ କୁୁକୁର ଛୁଆ, ମାଆ କୁକୁର ଏମିତି କଲା, ଦେଖନ୍ତୁ ଭିଡିଓ..
ଜିଲ୍ଲାର ଅନ୍ୟ କାର୍ଯ୍ୟାଳୟରେ ଏସି ଲାଗିଥିଲେ ହେଁ ଜୟପାଟଣା ଉପନିବନ୍ଧନ କାର୍ଯ୍ୟାଳୟରେ ଏସି ଲାଗି ନଥିବାରୁ ପ୍ରବଳ ଗରମ ଯୋଗୁଁ କାର୍ଯ୍ୟାଳୟରେ ଲାଗିଥିବା ମେସିନ ବିଭିନ୍ନ ସମୟରେ ଖରାପ ହୋଉଛି । ଜୟପାଟଣା ଉପନିବନ୍ଧନ କାର୍ଯ୍ୟାଳୟ ପାଇଁ ଏକ ଏସି ଆସିଥିଲା କିନ୍ତୁ ତାହା ଜୟପାଟଣା ପହଞ୍ଚି ପାରିଲା ନାହିଁ ତାହା କେଉଁଠି ଲାଗିଲା ତାହା ତଦନ୍ତ ସାକ୍ଷେପ। ଏବେ ଗ୍ରୀଷ୍ମପ୍ରବାହ ଯୋଗୁଁ ଏହି କାର୍ଯ୍ୟାଳୟକୁ ଆସୁଥିବା ଲୋକଙ୍କ ପାଇଁ ପିଇବା ପାଣି ଜରୁରୀ ହୋଇ ପଡିଛି। ଏଣୁ ନିକଟରେ ଏକ ନଳକୂପର ବ୍ୟବସ୍ଥା କଲେ ଆସୁଥିବା ଲୋକେ ଉପକୃତ ହେବେ। ଏଣୁ ବିଭାଗୀୟ ଉଚ୍ଚ କତ୍ତୃପକ୍ଷ ଏଥି ପ୍ରତି ଦୃଷ୍ଟି ଦେଇ ନଳକୂପ ଖନନ ସହ କାର୍ଯ୍ୟାଳୟରେ ଏସି ଲଗାଇବା ବ୍ୟବସ୍ଥା କରିବାକୁ ଦାବି ହୋଉଛି ।
