କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ମାଝୀଗୁଡା ପଞ୍ଚାୟତ ସଦରରେ ଥିବା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଫାର୍ମାସିଷ୍ଟ ସୀମାଞ୍ଚଳ ପଣ୍ଡାଙ୍କ ଘରୁ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ଫାର୍ମାସିଷ୍ଟ ସୀମାଞ୍ଚଳ ପଣ୍ଡା ଗତ କାଲି କୌଣସି କାମରେ ରାୟଗଡା ଯାଇଥିଲେ। ସେଠାରୁ ସକାଳ ୮ଟାରେ ଫେରି ତାଙ୍କ ଘରେ ପକାଇଥିବା ଚାବି ଭାଙ୍ଗିଥିବା ଦେଖିଥିଲେ। ଏହାପରେ ଘର ଭିତରେ ଦେଖିବା ବେଳକୁ ଆଲମାରୀରେ ରଖିଥିବା ସୁନାର ମୁକ୍ତାମାଳ, ସୁନା ଚେନ, ୧୨ଟି ସୁନା ମୁଦି, ୪ହଳ ସୁନା କାନଫୁଲ, ୧୨ଖଣ୍ଡ ରୁପା ଟଙ୍କା ଆଦି ଚୋରି ହୋଇଥିବା ଜାଣିବାକୁ ପାଇଥିଲେ। ଏହାର ସମୁଦାୟ ମୂଲ୍ୟ ପ୍ରାୟ ୬ଲକ୍ଷ ଟଙ୍କା ହେବ ବୋଲି ଜଣାପଡିଛି। ଏହା ଦେଖି ସେ ଆଖପାଖ ଅଞ୍ଚଳ ବୁଲି ଦେଖିଥିଲେ। କିନ୍ତୁ କୌଣସି ସୁରାକ ପାଇ ନଥିଲେ ବୋଲି ଥାନାରେ ଅଭିଯୋଗ କରିଛନ୍ତି। ଥାନାରେ କୌଣସି ଅଧିକାରୀ ନଥିବାବେଳେ ଏଏସଆଇ ମୋତିଲାଲ ପଟ୍ଟନାୟକଙ୍କୁ ଲିଖିତ ଅଭିଯୋଗପତ୍ର ଦେଇଥିବା ସୀମାଞ୍ଚଳ ପଣ୍ଡା କହିଛନ୍ତି। ଘଟଣା ସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
Popular Categories
Previous article
Next article