ରାଜସ୍ଥାନ : ମଧ୍ୟପ୍ରଦେଶ, ଛତିଶଗଡ ଓ ଆସାମ ପରେ ରାଜସ୍ଥାନ ସରକାର କୃଷକଙ୍କ ଋଣ ଛାଡ ସମ୍ପର୍କରେ ବୁଧବାର ଘୋଷଣା କରିଛନ୍ତି। ଅଶୋକ ଗେହଲଟଙ୍କ ନେତୃତ୍ବ କଂଗ୍ରେସ ସରକାରଙ୍କ ଘୋଷଣା ଅନୁଯାୟୀ ୨ଲକ୍ଷ ଟଙ୍କା ପର୍ଯ୍ୟନ୍ତ ସମସ୍ତ କୃଷି ଋଣକୁ ଛାଡ କରାଯାଇଛି। ଏହି ଋଣ ଛାଡ ପାଇଁ ରାଜ୍ୟ ସରକାର ରାଜକୋଷରୁ ୧୮ହଜାର କୋଟି ଟଙ୍କା ହରାଇବେ। ଅଶୋକ ଗେହଲଟଙ୍କ ସରକାର କ୍ଷମତାକୁ ଆସିବାର ଦୁଇଦିନ ମଧ୍ୟରେ କୃଷି ଋଣ ଛାଡ କରିଛନ୍ତି। ନିକଟରେ ଶେଷ ହୋଇଥିବା ମଧ୍ୟପ୍ରଦେଶ, ଛତିଶଗଡ ଓ ରାଜସ୍ଥାନ ବିଧାନସଭା ନିର୍ବାଚନରେ ବିଜେପି ସରକାରକୁ ହଟାଇ କଂଗ୍ରେସ କ୍ଷମତା ଦଖଲ କରିଛି। ଏହିସବୁ ରାଜ୍ୟରେ କଂଗ୍ରେସ କୃଷି ଋଣ ଛାଡ କରିବାକୁ ଭୋଟରଙ୍କୁ ପ୍ରତିଶ୍ରୁତି ଦେଇଥିଲା। ଏପରି କି କ୍ଷମତାକୁ ଆସିବାର ୧୦ଦିନ ମଧ୍ୟରେ କୃଷି ଋଣ ଛାଡ କରାଯିବ ବୋଲି କୁହାଯାଇଥିଲା। ମଧ୍ୟପ୍ରଦେଶ ଓ ଛତିଶଗଡରେ କଂଗ୍ରେସ ସରକାର ଗଠନର ମାତ୍ର କେଇ ଘଣ୍ଟା ମଧ୍ୟରେ କୃଷି ଋଣ ଛାଡ ଘୋଷଣା କରାଯାଇଥିଲା। ମଙ୍ଗଳବାର ଆସାମର କଂଗ୍ରେସ ସରକାର ୬୦୦କୋଟି ଟଙ୍କାର କୃଷି ଋଣ ଛାଡ ଘୋଷଣା କରିଛନ୍ତି। ଯେଉଁଥିରେ ୮ଲକ୍ଷ କୃଷକଙ୍କ ଉପକୃତ ହେବେ।
Popular Categories
Previous article
Next article