ନୂଆଦିଲ୍ଲୀ : ଦେଶର ପପୁଲାର ଦୁଇଚକିଆ ଗାଡି ନିର୍ମାତା କମ୍ପାନୀ କୋମାକି ପୁଣି ଥରେ ନିଜ ଉତ୍ପାଦ ଭାରତୀୟ ବଜାରକୁ ନେଇଆସିଛି । କମ୍ପାନୀ ଖାସ୍ କରି ଛୋଟ ବ୍ୟାପାରୀଙ୍କ ପାଇଁ କୋମାକି କ୍ୟାଟ୍ ୨.୦ ଏନଏକ୍ସଟି ଲଞ୍ଚ୍ କରିଦେଇଛି । ଏହା ଏକ ଇଲେକ୍ଟ୍ରିକ୍ ମୋପେଡ୍ ଯାହା ୩୫୦ କିଲୋଗ୍ରାମ ପର୍ଯ୍ୟନ୍ତ ଓଜନ ଉଠାଇପାରିବ । କମ୍ପାନୀ ଏହି ଇଲେକ୍ଟ୍ରିକ୍ ମୋପେଡକୁ ନୂଆ ଫିଚର୍ସ ଏବଂ ଅତ୍ୟାଧୁନିକ ଟେକ୍ନୋଲୋଜି ସହିତ ବଜାରକୁ ନେଇଆସିଛି । ଏହି ଇଲେକ୍ଟ୍ରିକ୍ ମୋପେଡର ଦାମ୍ ୧ ଲକ୍ଷ ଟଙ୍କାରୁ ମଧ୍ୟ କମ୍ ଏବଂ ଏହା ଛୋଟ ବ୍ୟାପାରୀଙ୍କ ପାଇଁ ଲାଭଦାୟକ ସାବ୍ୟସ୍ତ ହୋଇପାରିବ । ମୋପେଡରେ ଅନେକ ଅତ୍ୟାଧୁନିକ ଫିଚର୍ସ ମିଳୁଛି ଏବଂ ଏହାର ଦାମ୍ ମଧ୍ୟ କମ୍ ।
କହିରଖୁଛୁ ଏହି ଇଲେକ୍ଟ୍ରିକ୍ ମୋପେଡକୁ ଥରେ ଚାର୍ଜ କଲେ ୧୨୦-୧୪୦ କିଲୋମିଟର ପର୍ଯ୍ୟନ୍ତ ଯାତ୍ରା କରିପାରିବ । ଏହି ମୋପେଡ୍ ୮୦ କିଲୋମିଟର ପ୍ରତି ଘଣ୍ଟା ବେଗରେ ଗତି କରିପାରିବ । ଡିଜାଇନ୍ କଥା କହିବା ତ କମ୍ପାନୀ ଏହାକୁ ଲୁହା ବଡି ସହିତ ପ୍ରସ୍ତୁତ କରିଛି । ଏହା ସହିତ ଏଥିରେ ଅଲଗା ହୋଇପାରୁଥିବା ସିଟ୍ ଦିଆଯାଇଛି । ସିଟ୍ ଲଗାଇଲେ ଏଥିରେ ୨ ଜଣ ସହଜରେ ଯାତ୍ରା କରିପାରିବେ । ଏହି ଇଲେକ୍ଟ୍ରିକ୍ ମୋପେଡ୍ ୩୫୦ କିଲୋମିଟର ପର୍ଯ୍ୟନ୍ତ ଓଜନ ଉଠାଇପାରିବ । ଦାମ୍ କଥା କହିବା ତ ଏହି ଇଲେକ୍ଟ୍ରିକ୍ ମୋପେଡର ଦାମ୍ ୯୯୫୦୦ ଟଙ୍କା ।
