ବୌଦ୍ଧ : ବୌଦ୍ଧ ବ୍ଲକ ଖଲିଆପାଲି ଗ୍ରାମ ପଞ୍ଚାୟତ ତାଳପଦରଠାରୁ ମନୁପାଲି ଗ୍ରାମ ପଞ୍ଚାୟତକୁ ସଂଯୋଗ କରିବା ପାଇଁ ଜିଲ୍ଲା ଗ୍ରାମ୍ୟଉନ୍ନୟନ ବିଭାଗ ଦ୍ଵାରା ୩.୮୬୯ କିଲୋମିଟର ଦୈର୍ଘ୍ୟର ରାସ୍ତା ୨୩୯.୬୩ ଲକ୍ଷ ଅଟକଳ ପରିମାଣରେ ନିର୍ମାଣ କରିବା ପାଇଁ ଆଦେଶ ହୋଇଥିଲା । ମାତ୍ର ଠିକାଦାର ମୋତି ରଞ୍ଜନ ସାହୁ ଓ ଗ୍ରାମ୍ୟଉନ୍ନୟନ ବିଭାଗର ନିର୍ବାହୀ ଯନ୍ତ୍ରୀଙ୍କ ଖାମ ଖିଆଲି ନୀତି ଯୋଗୁଁ ହଇରାଣ ହେଉଛନ୍ତି ଦୁଇଟି ଗ୍ରାମ ପଞ୍ଚାୟତର ଲୋକେ । ଅଧାପନ୍ତରିଆ ଭାବେ ରାସ୍ତାରେ ମେଟାଲ ବିଛାଇ ପଡିରହିଥିବାରୁ ଖଲିଆପାଲି ଓ ମନୁପାଲି ଗ୍ରାମ ପଞ୍ଚାୟତର ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି । ତୁରନ୍ତ ଯଦି ରାସ୍ତା କାମ ନ ହୁଏ ତେବେ ଆଗାମୀ ଦିନରେ ଗ୍ରାମ ଉନ୍ନୟନ ବିଭାଗ ଆଗରେ ଧାରଣା ଦେବେ ବୋଲି ଚେତାବନୀ ଦେଇଛନ୍ତି ଉଭୟ ପଞ୍ଚାୟତବାସୀ ।
