ନୂଆଦିଲ୍ଲୀ : ହିରୋ ସ୍ପ୍ଲେଣ୍ଡର ଭାରତୀୟ ମୋଟରସାଇକେଲ ବଜାରରେ ରାଜୁତି କରୁଛି । ଫେବୃୟାରୀ ୨୦୨୪ରେ ମଧ୍ୟ ଏହା ସବୁଠାରୁ ଅଧିକ ବିକ୍ରି ବାଇକ ତାଲିକାରେ ସର୍ବପ୍ରଥମେ ରହିଛି । ଚାଲନ୍ତୁ ଫେବୃୟାରୀ ୨୦୨୪ର ସବୁଠାରୁ ଅଧିକ ବିକ୍ରି ହୋଇଥିବା ୫ ମୋଟର ସାଇକେଲ ସମ୍ପର୍କରେ ଜାଣିବା….
୧. ହିରୋ ସ୍ପ୍ଲେଣ୍ଡରର ଫେବୃୟାରୀ ୨୦୨୪ରେ ୨,୭୭,୯୩୯ ୟୁନିଟ୍ସ ବିକ୍ରି ହୋଇଛି । ଫେବୃୟାରୀ ୨୦୨୩ରେ ୨,୮୮,୬୦୫ ୟୁନିଟ୍ସ ବିକ୍ରି ହୋଇଥିଲା । ବାର୍ଷିକ ଆଧାରରେ ବିକ୍ରି ୩.୭୦ ପ୍ରତିଶତ ହ୍ରାସ ପାଇଛି ।
୨. ହୋଣ୍ଡା ସାଇନ୍ ଫେବୃୟାରୀ ୨୦୨୪ ରେ ୧,୪୨,୭୬୩ ୟୁନିଟ୍ସ ବିକ୍ରି ହୋଇଛି । ଫେବୃୟାରୀ ୨୦୨୩ରେ ଏହା ୩୫,୫୯୪ ୟୁନିଟ୍ସ ବିକ୍ରି ହୋଇଥିଲା । ଅର୍ଥାତ୍ ବାର୍ଷିକ ଆଧାରରେ ଏହାର ବିକ୍ରି ୩୦୧.୦୯ ପ୍ରତିଶତ ବଢିଛି ।
୩. ବଜାଜ ପଲସରର ଫେବୃୟାରୀ ୨୦୨୪ରେ ୧,୧୨,୫୪୪ ୟୁନିଟ୍ସ ବିକ୍ରି ହୋଇଛି । ଯଦିଓ ଫେବୃୟାରୀ ୨୦୨୩ରେ ୮୦,୧୦୬ ଗାଡି ବିକ୍ରି ହୋଇଥିଲା । ବାର୍ଷିକ ଆଧାରରେ ଦେଖିବା ତ ଏହାର ବିକ୍ରି ୪୦.୪୯ ପ୍ରତିଶତ ବଢି ।
୪. ତାଲିକାର ଚତୁର୍ଥ ନମ୍ବରରେ ରହିଛି ହିରୋ ଏଚଏଫ୍ ଡିଲକ୍ସ । ଫେବୃୟାରୀ ୨୦୨୪ରେ ଏହାର ବିକ୍ରି ସଂଖ୍ୟା ରହିଛି ୭୬,୧୩୮ । ଅର୍ଥାତ୍ ଏତିକି ଗାଡି ବିକ୍ରି ହୋଇଛି । ଗତ ବର୍ଷ ଫେବୃୟାରୀ ମାସରେ ଏହାର ୫୬,୨୯୦ ୟୁନିଟ୍ସ ବିକ୍ରି ହୋଇଥିଲା । ବାର୍ଷିକ ଆଧାରରେ ଏହାର ବିକ୍ରି ୩୫.୨୬ ପ୍ରତିଶତ ବଢିଛି ।
୫. ଟିଭିଏସ୍ ରାଇଡରର ଫେବୃୟାରୀ ୨୦୨୪ରେ ୪୨,୦୬୩ ୟୁନିଟ୍ସ ବିକ୍ରି ହୋଇଛି ଯଦିଓ ଗତ ବର୍ଷ ସମାନ ମାସରେ ୩୦,୩୪୬ ୟୁନିଟ୍ସ ବିକ୍ରି ହୋଇଥିଲା । ଅର୍ଥାତ୍ ବାର୍ଷିକ ଆଧାରରେ ବିକ୍ରି ୩୮.୬୧ ପ୍ରତିଶତ ବଢିଛି ।
