କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର ବଡ଼ଲିଟିପଲି ଗ୍ରାମର ମୃତ ବଦ୍ରୀ ହିକକାଙ୍କ ପୁଅ ସମେଶ୍ୱର ହିକକା(୨୯) ନିଖୋଜ ରହିଥିବା ନେଇ ଥାନାରେ ଅଭିଯୋଗ କରିଛନ୍ତି ଦାଦା ସଦିରି ହିକକା । ସମେଶ୍ୱର ଛତିଶଗଡ଼ର ଜାଙ୍ଗନ VHG 3 + HW 6 , ପିନ ୪୯୬୦୦୧ରେ ଥିବା ଏମଏସପି ଷ୍ଟିଲ ପାୱାର ଲିମିଟେଡ଼ କମ୍ପାନୀରେ ସିକ୍ୟୁରିଟି ଗାର୍ଡ ଭାବରେ କାର୍ଯ୍ୟ କରିଆସୁଥିଲେ । ସେ କିଛିଦିନ ଛୁଟି ନେଇ ଶିବରାତ୍ରି ଯାତ୍ରା ଦେଖିବାକୁ ଆସିଥିଲେ । ଯାତ୍ରା ସରିଯିବା ପରେ ମୋର ୧୪ତାରିଖରେ କାର୍ଯ୍ୟରେ ଉପସ୍ଥିତ ରହିବାର ଅଛି କହି ସେ ୧୨ ତିନି କାର୍ଯ୍ୟ ସ୍ଥଳକୁ ଯିବା ପାଇଁ ବାହାରିଥିଲା । ଉକ୍ତ ଗ୍ରାମରେ ପହଞ୍ଚିବା ପରେ ୧୭ତାରିଖ ସନ୍ଧ୍ୟାରେ ଗ୍ରାମର କିଛିସାଙ୍ଗ ଓ ସମ୍ପର୍କୀୟଙ୍କୁ ଫୋନ କରି ଭୟଭୀତ ଅବସ୍ଥାରେ ମୁଁ ମରିବି କି ବଞ୍ଚିବି କହିବା ବେଳେ ଫୋନ କଟିଯାଇଥିଲା । ପୁନର୍ବାର ଫୋନ କଲେ ରିସିଭ୍ କଲେନାହିଁ ତା’ପରଠାରୁ ଫୋନ ବନ୍ଦ ରହିଛି ବୋଲି ଥାନାରେ ଲିଖିତ ଅଭିଯୋଗ ହୋଇଛି । ଏହାକୁ ନେଇ ଗ୍ରାମରେ ଏକ ବୈଠକ କରି ଗ୍ରାମର ପ୍ରାୟ ୮ଜଣ ଉକ୍ତ ଜାଙ୍ଗନ ଗ୍ରାମରେ ଥିବା କମ୍ପାନୀକୁ ଯାଇ ପଚାରିବାରୁ ସମେଶ୍ୱର ଆସିନଥିବା କହିଥିଲେ । ଏହା ଶୁଣି ସେଠାରେ ମଧ୍ୟ ନିଖୋଜ ରହିଥିବା ଅଭିଯୋଗ କରିଥିବା ପରିବାର ଲୋକ କହିଛନ୍ତି । ବିଧବା ମାଆ ହର୍ଷ ହିକକାଙ୍କ ଏକମାତ୍ର ରୋଜଗାରିଆ ପୁଅ ହେଉଛନ୍ତି ସମେଶ୍ୱର।
Comments are closed.