ହ୍ଵାଟ୍ସଆପରେ ‘ବିକଶିତ ଭାରତ’ ମେସେଜ୍ ପଠାଇବା ବନ୍ଦ କରିବାକୁ ସରକାରଙ୍କୁ ନିର୍ବାଚନ କମିଶନଙ୍କ ନିର୍ଦ୍ଦେଶ

ଡେସ୍କ: ସରକାରଙ୍କ ସଫଳତାକୁ ଲୋକଲୋଚନକୁ ଆଣିବା ପାଇଁ ‘ବିକଶିତ ଭାରତ ସମ୍ପର୍କ’ କାର୍ଯ୍ୟକ୍ରମ ଅଧୀନରେ ଲୋକଙ୍କୁ ତୁରନ୍ତ ହ୍ୱାଟ୍ସଆପ୍ ବାର୍ତ୍ତା ପହଞ୍ଚାଇବା ବନ୍ଦ କରିବାକୁ ନିର୍ବାଚନ ଆୟୋଗ ଗୁରୁବାର କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଏ ନେଇ କମିଶନଙ୍କ ନିକଟରେ ଅଭିଯୋଗ ଆସିବା ପରେ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରଣାଳୟର ସଚିବଙ୍କୁ ଏହି ନିର୍ଦ୍ଦେଶ ଦିଆଯାଇଛି।

https://samajalive.in/tecno-pova-6-pro-5g-02/545266.html

ଆୟୋଗ କହିଛନ୍ତି ଯେ, ଏକ ସମାନ ସୁଯୋଗ ସୁନିଶ୍ଚିତ କରିବା ପାଇଁ ଆୟୋଗ ଦ୍ୱାରା ନିଆଯାଇଥିବା ଏକାଧିକ ନିଷ୍ପତ୍ତିର ଏକ ଅଂଶ ବିଶେଷ ଭାବେ ଏହି ପଦକ୍ଷେପ ନିଆଯାଇଛି। ଲୋକଙ୍କ ପାଖରେ ହ୍ୱାଟ୍ସଆପ୍ ମେସେଜ୍ ଆଉ ନ ପହଞ୍ଚାଇବାକୁ ସୁନିଶ୍ଚିତ କରିବାକୁ ସରକାରଙ୍କୁ ନିର୍ଦ୍ଦେଶ ଦେଇ ଆୟୋଗ ମନ୍ତ୍ରଣାଳୟଠାରୁ ତୁରନ୍ତ ଅନୁପାଳନ ରିପୋର୍ଟ ମାଗିଛନ୍ତି।

କେଉଁ ରାଶି ଖେଳିବେ କେଉଁ ରଙ୍ଗରେ ହୋଲି : ପାଳନ କଲେ ସୁଖମୟ ହୋଇଥାଏ ଜୀବନ..

ମନ୍ତ୍ରଣାଳୟ କମିଶନଙ୍କୁ ଜଣାଇଥିଲା ଯେ ପ୍ରଧାନମନ୍ତ୍ରୀଙ୍କ ଏକ ଚିଠି ସହ ଏହି ବାର୍ତ୍ତା ମାର୍ଚ୍ଚ ୧୬ ତାରିଖରେ ଲୋକସଭା ନିର୍ବାଚନ କାର୍ଯ୍ୟସୂଚୀ ଘୋଷଣା ସହ ଆଦର୍ଶ ଆଚରଣ ବିଧି ଲାଗୁ ହେବା ପୂର୍ବରୁ ପଠାଯାଇଥିଲା। ତେବେ ନେଟୱାର୍କ ସୀମିତତା କାରଣରୁ ଏହା ସମ୍ଭବ ଯେ କିଛି ଚିଠି ବିଳମ୍ବରେ ଡେଲିଭରି ହୋଇପାରେ ବୋଲି ମନ୍ତ୍ରଣାଳୟ କମିଶନଙ୍କୁ ଏକ ଚିଠିରେ କହିଛି।

ଭିସୁଟ୍ ଛାତ୍ରଛାତ୍ରୀଙ୍କୁ ମଡର୍ଣ୍ଣ ପୋଷାକ ମନା : ବସନ୍ତ ଉତ୍ସବ, ସାଂସ୍କୃତିକ କାର୍ଯ୍ୟକ୍ରମ ପାଇଁ କୁଳପତିଙ୍କ କଡା ନୋଟିସ୍

ସଂସଦୀୟ ନିର୍ବାଚନ ୨୦୨୪ ଘୋଷଣା ସତ୍ତ୍ୱେ ସରକାରଙ୍କ ପଦକ୍ଷେପ ସମ୍ପର୍କରେ ଏଭଳି ବାର୍ତ୍ତା ନାଗରିକଙ୍କ ଫୋନରେ ପହଞ୍ଚାଯାଉଛି ବୋଲି ନିର୍ବାଚନ କର୍ତ୍ତୃପକ୍ଷଙ୍କ ନିକଟରେ ଅନେକ ଅଭିଯୋଗ ଆସିଥିଲା। କଂଗ୍ରେସ ଏବଂ ତୃଣମୂଳ କଂଗ୍ରେସ ଏହି ବାର୍ତ୍ତା ଉପରେ ଆପତ୍ତି ଉଠାଇବା ସହ ଆଦର୍ଶ ଆଚରଣ ବିଧିର ଖୋଲାଖୋଲି ଉଲ୍ଲଂଘନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ବାଚନ ଆୟୋଗଙ୍କୁ ଅନୁରୋଧ କରିଥିଲେ।

https://youtu.be/fvI4tIQLhj8