ନୂଆଦିଲ୍ଲୀ: ଯଦି ଆପଣ ଅମରନାଥ ଯାତ୍ରା କରିବାକୁ ଚାହୁଁଛନ୍ତି ତେବେ ପ୍ରସ୍ତୁତ ହୋଇଯାଆନ୍ତୁ। ସରକାରଙ୍କ ପକ୍ଷରୁ ଅମରନାଥ ଯାତ୍ରାର ଟାଇମ ଟେବୁଲ ପ୍ରକାଶ କରାଯାଇଛି। ସୂଚନା ଅନୁଯାୟୀ ଚଳିତ ବର୍ଷ ଭକ୍ତମାନେ ବାବା ବର୍ଫାନୀଙ୍କ ଦର୍ଶନ ମାତ୍ର ୪୫ଦିନ ପାଇପାରିବେ। ଆସନ୍ତା ଜୁନ ୨୯ତାରିଖରୁ ଅମରନାଥ ଯାତ୍ରା ଆରମ୍ଭ ହୋଇ ଅଗଷ୍ଟ ୧୯ରେ ଶେଷ ହେବ। ଏଥର ଏହା ଦୁଇ ମାସ ବଦଳରେ ମାତ୍ର ୪୫ଦିନ ଚାଲିବ। ଅମରନାଥ ଯାତ୍ରା ଲାଗି ଏପ୍ରିଲ ୧୫ରୁ ପଞ୍ଜିକରଣ ଆରମ୍ଭ ହେବ। ଏହି ଯାତ୍ରା କରିବା ପାଇଁ ସରକାର ଅନେକ ସର୍ତ୍ତ ମଧ୍ୟ ଜାରି କରିଛନ୍ତି। ଏହାର ଅର୍ଥ ପ୍ରତ୍ୟେକ ଯାତ୍ରୀଙ୍କ ପାଇଁ ଶାରୀରିକ ଭାବେ ସୁସ୍ଥ ହେବା ଆବଶ୍ୟକ। ଯେଉଁମାନେ ଅମରନାଥ ଯାତ୍ରା କରିବାକୁ ଚାହୁଁଛନ୍ତି ସେମାନେ ସ୍ୱାସ୍ଥ୍ୟଗତ ପ୍ରମାଣପତ୍ର ସହିତ ଅନ୍ୟାନ୍ୟ ନିର୍ଦ୍ଦେଶାବଳୀ ଅନୁସରଣ କରିବା ଆବଶ୍ୟକ। ବୁଧବାର ଜମ୍ମୁ-କାଶ୍ମୀରର ରାଜଭବନରେ ଅମରନାଥ ଶ୍ରାଇନ୍ ବୋର୍ଡର ଅଧ୍ୟକ୍ଷ ଏବଂ ଉପରାଜ୍ୟପାଳ ମନୋଜ ସିହ୍ନାଙ୍କ ମଧ୍ୟରେ ଏକ ବୈଠକ ଅନୁଷ୍ଠିତ ହୋଇଥିଲା।
Comments are closed.