ସାଙ୍ଗମାନଙ୍କଠୁ ଗାଡି ମାଗି ଚଲାଉଥିଲେ: ଏଲଭିଶଙ୍କ ପିତା କହିଲେ, ‘ତା ନାଁରେ କୌଣସି ସମ୍ପତ୍ତି ନାହିଁ’

ନୂଆଦିଲ୍ଲୀ : ସାଙ୍ଗମାନଙ୍କଠୁ ଗାଡି ମାଗି ଚଲାଉଥିଲେ ଏଲଭିଶ୍ ଯାଦବ । ଏମିତି ବୟାନ ଦେଇଛନ୍ତି ତାଙ୍କ ବାପା-ମା’ । ୟୁଟ୍ୟୁବର ଏଲଭିଶ୍ ଯାଦବଙ୍କ ସମସ୍ୟା ବଢିବାରେ ଲାଗିଛି । ସାପ ବିଷ କିଣା-ବିକା ମାମଲାରେ ତାଙ୍କୁ ଗିରଫ କରିଛି ନୋଏଡା ପୁଲିସ । ତାଙ୍କୁ ୧୪ ଦିନ ହେପାଜତକୁ ନିଆଯାଇଛି । କିନ୍ତୁ ଗଣମାଧ୍ୟମକୁ ଏଲଭିଶଙ୍କ ପିତା-ମାତା ନିର୍ଦ୍ଦୋଷ ବୋଲି କହିଛନ୍ତି ।

ଏଲଭିଶଙ୍କ ପିତା କହିଛନ୍ତି କି ତାଙ୍କ ପୁଅ ପାଖରେ କୌଣସି ବି ବିଳାସପୂର୍ଣ୍ଣ ଗାଡି ନଥିଲା । ସେ ଗାଡିଗୁଡିକ ଲୋନରେ ଆଣିଛନ୍ତି । ତାଙ୍କ ପାଖରେ ମାତ୍ର ୨ଟି ଗାଡି ଅଛି । ଗୋଟିଏ ଫର୍ଚ୍ୟୁନର ଏବଂ ଅନ୍ୟଟି ଓ୍ବାଗନଆର୍ । ତାଙ୍କ ନାଁରେ କୌଣସି ସମ୍ପତ୍ତି ନାହିଁ । ଜମି ନାଁରେ ତାଙ୍କ ପାଖରେ କେବଳ ଗୋଟିଏ ପ୍ଲଟ୍ । ସେ ସାଙ୍ଗମାନଙ୍କଠୁ ଗାଡି ମାଗି ଆଣନ୍ତି ଏବଂ ଭିଡିଓ କରି ପରେ ଫେରାଇ ଦିଅନ୍ତି । କାହାଠୁ ସେମିତି ମାଗି ଆଣିଥାନ୍ତି ତ ଆଉ କିଛି ଜଣଙ୍କୁ ଦିନକ ପାଇଁ ଭଡା ଦେଇଥାନ୍ତି ।

ସେ କୌଣସି ରେଭ୍ ପାର୍ଟିକୁ ଯାଇନାହାଁନ୍ତି ବୋଲି ତାଙ୍କ ପିତା କହିଛନ୍ତି । ସେ ୟୁଟ୍ୟୁବ୍ ଭିଡିଓରୁ ପଇସା କମାନ୍ତି । ସେ ବିଳାସପୂର୍ଣ୍ଣ ଜୀବନ ଅତିବାହିତ କରିବାର ଅର୍ଥ ନୁହେଁ କି ସେ ଅପରାଧୀ ବୋଲି ତାଙ୍କ ପିତା କହିଛନ୍ତି । ତେବେ ରିପୋର୍ଟ୍ସ ଅନୁସାରେ ଏଲଭିଶଙ୍କ ମାସିକ ଆୟ ୧୦-୧୫ ଲକ୍ଷ ଟଙ୍କା । ତାଙ୍କ ସମ୍ପତ୍ତି ୪୦ କୋଟି ବୋଲି ଅନୁମାନ କରାଯାଉଛି ।