ସମ୍ବଲପୁର: ସ୍ଥାନୀୟ ରେଲୱେ ଷ୍ଟେସନ ଫାଟକ ପାଖରେ ଜଣେ ମାନସିକ ବିକାରଗ୍ରସ୍ତ ଯୁବକ ବହୁ ଦୟନୀୟ ଅବସ୍ଥାରେ ବୁଲାବୁଲି କରୁଥିବାବେଳେ ଚେରୁଆପଡ଼ା ନିବାସୀ ଭକ୍ତ ବାଗ ଓ ହରି ପାଲ ତାଙ୍କୁ ଦେଖିଥିଲେ। ଉକ୍ତ ଯୁବକଙ୍କ ସହିତ କଥାବାର୍ତ୍ତା ହେବାରୁ ସେ ଛତିଶଗଡ଼ର ବୋଲି ଜାଣିବାକୁ ପାଇଥିଲେ। ଏଣୁ ଛତିଶଗଡ଼ର କିଛି ସମ୍ପର୍କୀୟଙ୍କ ସହିତ କଥା ହେବା ପରେ ଯୁବକଙ୍କ ଠିକଣା ପାଇଥିଲେ ଏବଂ ତାଙ୍କର ବାପା ସୋମବାର ସମ୍ବଲପୁର ଆସିବେ ବୋଲି କହିଥିଲେ। ଏଣୁ ଭକ୍ତ ବାଗ ଓ ହରି ପାଲ ଉଦ୍ଧାର କରିଥିବା ଯୁବକଙ୍କୁ ରାତିରେ ରଖିବା ପାଇଁ ସାମ୍ବାଦିକ ଶ୍ରବଣ ପତିଙ୍କ ସହିତ ଯୋଗାଯୋଗ କରିବାରୁ ସେ ସ୍ୱେଚ୍ଛାସେବୀ ରାମଦାସ ପଣ୍ଡାକୁ ସୂଚନା ଦେଇଥିଲେ। ଏଣୁ ରାମଦାସ ପଣ୍ଡା ଏକ ଅଟୋ ସାହାଯ୍ୟରେ ହୀରାକୁଦସ୍ଥିତ କଳ୍ପତରୁ ଆଶ୍ରମକୁ ନେଇ ସ୍ୱେଚ୍ଛାସେବୀ ବିପିନ ବିହାରୀ ପଣ୍ଡା ଏବଂ ଆଶ୍ରମର ଅନ୍ତେବାସୀଙ୍କ ସହାୟତାରେ ଉଦ୍ଧାର ହୋଇଥିବା ଯୁବକଙ୍କୁ ରଖିଥିଲେ। ସୋମବାର ସକାଳୁ ଯୁବକଙ୍କ ପିତା ଅଭିମନ୍ୟୁ ତାଣ୍ଡ ସମ୍ବଲପୁର ଆସି ପହଞ୍ଚିବା ପରେ ସେ ଆଦର୍ଶ ନଗର, ପାହାଡି ଛକ, ଗୁଡିହାରୀ, ରାୟପୁର, ଛତିଶଗଡ଼ର ନିବାସୀ ବୋଲି ଆବଶ୍ୟକୀୟ ପରିଚୟ ପ୍ରମାଣ ପ୍ରଦାନ କରିଥିଲେ। ଗତ ୧୧ ତାରିଖରୁ ପୁତ୍ର ନିଖୋଜ ଥିବାର ଅଭିମନ୍ୟୁ କହିଥିଲେ। ଏହାପରେ ଉଦ୍ଧାର କରାଯାଇଥିବା ଯୁବକଙ୍କୁ ତାଙ୍କର ପିତାଙ୍କୁ ହସ୍ତାନ୍ତର କରାଯାଇଛି। ଏହି ଅବସରରେ ରାମଦାସ ପଣ୍ଡା, ଭକ୍ତ ବାଗ ପ୍ରମୁଖ ଉପସ୍ଥିତ ରହିଥିଲେ।
Popular Categories
Previous article
Next article