ନୂଆଦିଲ୍ଲୀ : ବେଳେବେଳେ ଏଭଳି କିଛି ଅଜବ ତଥ୍ୟ ବା ରହସ୍ୟ ସାମ୍ନାକୁ ଆସେ ଯାହା ସମସ୍ତଙ୍କୁ ଚକିତ କରିଥାଏ । ନିକଟରେ ବୈଜ୍ଞାନିକମାନେ ଏମିତି ଏକ ଗବେଷଣା କରିଛନ୍ତି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି । ନ୍ୟୁଜିଲାଣ୍ଡରେ ବୈଜ୍ଞାନିକଙ୍କୁ ପ୍ରାୟ ୧୯୦ ଲକ୍ଷ ବର୍ଷ ପୁରୁଣା ଶୁଆର ହାଡ ମିଳିଛି ।
‘ବାୟୋଲୋଜି ଲେଟର୍ସ’ର ନୂଆ ସଂସ୍କରଣରେ ପ୍ରକାଶିତ ଜୀବାଶ୍ମ ବିଶେଷଜ୍ଞଙ୍କୁ ଏକ ଅନ୍ତର୍ଜାତୀୟ ଟିମର ରିପୋର୍ଟ ଅନୁସାରେ ଏହି ଶୁଆ ବହୁତ ବଡ ଥିଲା । ଏହାର ଉଚ୍ଚତା ପ୍ରାୟ ଏକ ମିଟର ଥିଲା । ଏହା ସହିତ ଏହାର ଓଜନ ପ୍ରାୟ ୭ କିଲୋ ଥିଲା । ଗବେଷକଙ୍କ ଅନୁସାରେ ଏହି ଶୁଆ ଉଡି ମଧ୍ୟ ପାରୁଥିଲା ।
ଜୀବାଶ୍ମ ବିଶେଷଜ୍ଞଙ୍କୁ ଏହି ବିଶାଳ ଶୁଆର ଅବଶେଷ ୨୦୦୮ ମସିହାରେ ଦକ୍ଷିଣ ନ୍ୟୁଜିଲାଣ୍ଡର ବାଥନ୍ସରେ ମିଳିଥିଲା । ସେବେଠୁ ଏସମ୍ପର୍କରେ ଜାଣିବା ପାଇଁ ଗବେଷଣା ଚାଲିଥିଲା କି ଏହା କେଉଁ ପ୍ରକାର ପକ୍ଷୀ । ତେବେ ଅନୁମାନ କରାଯାଉଥିବା କି ଏହା ଚିଲ ହୋଇଥାଇପାରେ । କିନ୍ତୁ ୧୧ ବର୍ଷର ରିସର୍ଚ୍ଚ ପରେ ଜଣାପଡିଛି କି ଏହା ଏକ ବିଶାଳ ଶୁଆର ଜୀବାଶ୍ମ ।
