ମୁମ୍ବାଇ: ଚେକ୍ ରିପବ୍ଲିକର କ୍ରିଷ୍ଟିନା ପିସ୍କୋଭା ୭୧ତମ ବିଶ୍ବ ସୁନ୍ଦରୀ ମୁକୁଟ ପିନ୍ଧିଛନ୍ତି। ଗତବର୍ଷର ବିଶ୍ବ ସୁନ୍ଦରୀ ପୋଲାଣ୍ଡର କରୋଲିନା ବିଲେୱାସ୍କା ମିସକୋଭାଙ୍କୁ ୨୦୨୪ର ବିଶ୍ବ ସୁନ୍ଦରୀ ମୁକୁଟ ପିନ୍ଧାଇଛନ୍ତି। ଲେବାନନ୍ ସୁନ୍ଦରୀ ୟଶମିନା ଜେଟୁନ୍ ପ୍ରଥମ ରନର୍ସ ଅପ୍ ପୁରସ୍କାର ବିଜୟୀ ହୋଇଥିବାବେଳେ ୨୨ ବର୍ଷୀୟା ଭାରତୀୟ ସୁନ୍ଦରୀ ମୁମ୍ବାଇର ସିନ୍ନି ସେଟ୍ଟୀ ଶେଷ ୮ ପ୍ରତିଯୋଗୀଙ୍କ ମଧ୍ୟରେ ସ୍ଥାନ ପାଇଥିଲେ ମଧ୍ୟ ଶୀର୍ଷ ୪ଟି ସ୍ଥାନକୁ ଉତ୍ତୀର୍ଣ୍ଣ ହୋଇପାରିନଥିଲେ। ପୂର୍ବରୁ ଭାରତ ୬ଥର ଏହି ପ୍ରତିଯୋଗୀତାରେ ବିଜୟୀ ହୋଇଛି। ଚଳିତବର୍ଷର ବିଜୟିନୀ ୨୫ ବର୍ଷୀୟା ପିସ୍କୋଭା ସମ୍ପ୍ରତି ମଡେଲିଂ ସହିତ ଆଇନ୍ ଓ ବ୍ୟବସାୟ ଉପରେ ଅଧ୍ୟୟନ କରୁଛନ୍ତି। ଏଥିସହିତ ସେ କ୍ରିଷ୍ଟିନା ପିସଲୋ ଫାଉଣ୍ଡେସନ୍ ପ୍ରତିଷ୍ଠା କରିଛନ୍ତି। ଦୀର୍ଘ ୨୮ ବର୍ଷ ବ୍ୟବଧାନରେ ଭାରତ ବିଶ୍ବ ସୁନ୍ଦରୀ ପ୍ରତିଯୋଗୀତା ଆୟୋଜନ କରିଥିଲା। ଏହି ମିସ୍ ୱାର୍ଲ୍ଡ ବିୟୁଟି ଉତ୍ସବରେ ଭାରତର ବହୁ ସେଲିବ୍ରେଟି ସାମିଲ ହୋଇଥିଲେ । ନୀତା ଅମ୍ୱାନୀ, କରଣ ଜୋହର ଓ କ୍ରିକେଟର ହରଭଜନ ସିଂଙ୍କୁ ଦେଖିବାକୁ ମିଳିଥିଲା । ଏଥିସହ ଜୁରି ସଦସ୍ୟମାନଙ୍କ ମଧ୍ୟରେ ଲୋକପ୍ରିୟ ନ୍ୟୁଜ ଆଙ୍କର ରଜତ ଶର୍ମା, ଫିଲ୍ମ ନିର୍ମାତା ସାଜିଦ୍ ନାଦିଆଡୱାଲା, ଅଭିନେତ୍ରୀ କ୍ରିତି ସାନନ୍, ଓ ବ୍ୟବସାୟୀ ଭିନୀତ ଜୈନ ଥିଲେ।
Comments are closed.