ନୂଆଦିଲ୍ଲୀ: ନିକଟରେ ଜଣେ ଯାତ୍ରୀ ଇଣ୍ଡିଗୋ ଏୟାରଲାଇନ୍ସର ଏକ ବିମାନରେ ଯାତ୍ରା କରିଥିବାବେଳେ ଅଭାବନୀୟ ପରିସ୍ଥିତିର ସମ୍ମୁଖୀନ ହୋଇଥିବା ଜଣାପଡିଛି। ତାଙ୍କୁ ଯେଉଁ ଆସନ ପ୍ରଦାନ କରାଯାଇଥିଲା, ସେଥିରେ ଗଦି(କୁସନ୍) ନଥିଲା। ଅନନ୍ୟୋପାୟ ହୋଇ ତାଙ୍କୁ ଉକ୍ତ ବିମାନରେ ଯାତ୍ରା କରିବାକୁ ପଡିଥିଲା। ଯବନିକା ଶାହା ନାମ୍ନୀ ଜଣେ ମହିଳା ଯାତ୍ରୀ ନିଜର ଅଭିଜ୍ଞତାକୁ ସୋସିଆଲ ମିଡିଆ ‘ଏକ୍ସ’ରେ ବୟାନ କରିଥିବାବେଳେ ଗଦି ନଥିବା ସିଟ୍ର ଏକ ଫଟୋ ଅପ୍ଲୋଡ କରିଛନ୍ତି। ଯବନିକା ଇଣ୍ଡିଗୋ ବିମାନରେ ବେଙ୍ଗାଲୁରୁରୁ ଭୋପାଳ ଯାଉଥିବାବେଳେ ଲକ୍ଷ୍ୟ କରିଥିଲେ ଯେ ତାଙ୍କ ସିଟ୍ରୁ ଗଦି ଗାଏବ ହୋଇଯାଇଛି। ତୁରନ୍ତ ବିମାନ ପରିଚାରିକାଙ୍କୁ ଡାକି ଏ ସମ୍ପର୍କରେ ପଚାରିଥିଲେ। ପରିଚାରିକା ଜଣକ ଏଥିପାଇଁ କ୍ଷମାପ୍ରାର୍ଥନା କରିବା ସହ ପରିଷ୍କାର ହେବାକୁ ଗଦିକୁ ହଟାଇ ଦିଆଯାଇଥିବା କହିଥିଲେ। ଅପରପକ୍ଷରେ ଇଣ୍ଡିଗୋ ଏୟାରଲାଇନ୍ସ କର୍ତ୍ତୃପକ୍ଷ ଏଥିପାଇଁ କ୍ଷମାଭିକ୍ଷା କରିଥିବାବେଳେ ଯାତ୍ରୀଙ୍କ ସୁବିଧା ପ୍ରତି ସଂସ୍ଥା ସବୁବେଳେ ସଚେତନ ରହିଥିବା କହିଛନ୍ତି।
Popular Categories
Previous article
Next article