କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ଶିକରପାଇ ଗ୍ରାମପଞ୍ଚାୟତର ଧାମଲିମା ନିକଟସ୍ଥ ଆମ୍ବତୋଟାରେ କିଷାନ ମୋର୍ଚ୍ଚା ଓ ସିପିଆଇ(ଏମଏଲ) ଲିବରେସନ ତରଫରୁ ପ୍ରତିବାଦ ବୈଠକ କରାଯାଇଛି। ସେଥିରେ ସଂଯୁକ୍ତ କିଷାନ ମୋର୍ଚ୍ଚା ତ୍ରିପତି ଗମାଙ୍ଗଙ୍କ ନେତୃତ୍ୱରେ ରାମଚନ୍ଦ୍ର ପ୍ରାସ୍କା, ମୂର୍ତ୍ତି ମିଣିଆକା, ମେଦିରି ଗରଡିଆ, ଆଛାନା ମଣ୍ଡାଙ୍ଗି, ବୈଷ୍ଟମ ଉଲକା, ଆଶ୍ରିଗା ଅଟକା, ଚୈତନ୍ୟ ଗରଡିଆ, ସୁଧୁଂରୁ ମିଣିଆକା ଉପସ୍ଥିତ ରହିଥିଲେ। ଏଥିରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟର୍, ଗୃହମନ୍ତ୍ରୀ ଅନୀଲ ଭିଜ୍ଙ୍କ ଇସ୍ତଫା ଦେବା, ଏହି ତିନି ଜଣଙ୍କ ସହ ଅନ୍ୟ ସଂପୃକ୍ତ ପୁଲିସ ଓ ରାଜସ୍ୱ ଅଧିକାରୀଙ୍କ ବିରୋଧରେ ଆଇପିସି ଧାରା ୩୦୨ ଅନୁଯାୟୀ ଏତଲା ଦାୟର କରିବା, ଯୁବ ଶୁଭ କିରଣ ସିଂହ କୃଷକଙ୍କୁ ୧ କୋଟି ଟଙ୍କା ପ୍ରଦାନ କରିବା, ରାଷ୍ଟ୍ର ପରିଚାଳିତ ନୃଶଂସ ଦମନ ଓ ଟ୍ରାକ୍ଟର କ୍ଷୟକ୍ଷତିର ନ୍ୟାୟିକ ତଦନ୍ତ କରିବା, ୨୬ ଫେବୃଆରୀ ୨୦୨୪କୁ ‘ବିଶ୍ୱ ବାଣିଜ୍ୟ ସଂଗଠନ ଛାଡ଼ ଦିବସ’ ଭାବେ ପାଳନକୁ ବନ୍ଦ କରିବା, ମନ୍ତ୍ରୀସ୍ତରୀୟ ସମ୍ମିଳନୀ ସଂଯୁକ୍ତ କୃଷକ ମୋର୍ଚ୍ଚା ମୋଦୀ ସରକାରଙ୍କ କୃଷକ ବିରୋଧି ନୀତିକୁ ବିରୋଧ କରିବା, ଆଳାପ-ଆଲୋଚନା ବନ୍ଦ କରିବା, ଭାରତ ସରକାର କୃଷକମାନଙ୍କୁ ଫସଲର ସର୍ବନିମ୍ନ ସହାୟକ ମୂଲ୍ୟ ଲାଗୁ କରିବା, ଖାଦ୍ୟ ଶସ୍ୟ ବଣ୍ଟନ ବଦଳରେ ସିଧାସଳଖ ନଗଦ ହସ୍ତାନ୍ତର କରିବା, ଦେଶର କୃଷକ ଗରିବ ଲୋକଙ୍କ ଖାଦ୍ୟ ନିରାପତ୍ତା ଏବଂ ଭାରତର ସାର୍ବଭୌମତ୍ୱ ପାଇଁ କ୍ଷତିକାରକ ହେବ ବୋଲି ବୈଠକରେ ଆଲୋଚନା କରାଯାଇଛି।
Comments are closed.