ନୂଆଦିଲ୍ଲୀ: ଅନ୍ଲାଇନ୍ ବା ଇଣ୍ଟରନେଟ୍ ଜରିଆରେ ଔଷଧ କାରବାରକୁ ନିଷିଦ୍ଧ କରିଛନ୍ତି ଦିଲ୍ଲୀ ହାଇକୋର୍ଟ। ଦିଲ୍ଲୀ ସମେତ ଦେଶର ସବୁ ଅଞ୍ଚଳରେ ଇ ଫାର୍ମା ବା ଅନ୍ଲାଇନ୍ ଔଷଧ କାରବାରକୁ ବନ୍ଦ କରିବା ପାଇଁ ଦିଲ୍ଳୀର ଆପ୍ ସରକାର ଓ କେନ୍ଦ୍ର ସରକାରଙ୍କୁ କୋର୍ଟ ନିର୍ଦେଶ ଦେଇଛନ୍ତି।
ଜାହିର ଅହମ୍ମଦ ନାମକ ଜଣେ ବ୍ୟକ୍ତିଙ୍କ ଦ୍ୱାରା ଆଗତ ଜନସ୍ୱାର୍ଥ ମାମଲାର ବିଚାର କରି ବିଚାରପତି ରାଜେନ୍ଦ୍ର ମେନନ୍ ଓ ଭି କେ ରାଓଙ୍କୁ ନେଇ ଗଠିତ ଦିଲ୍ଳୀ ହାଇକୋର୍ଟ ଖଣ୍ଡପୀଠ ଉପରୋକ୍ତ ନିର୍ଦେଶ ଦେଇଛନ୍ତି। ସୂଚନାଯୋଗ୍ୟ, ଦୈନିକ ଅନ୍ଲାଇନ୍ରେ ଲକ୍ଷ ଲକ୍ଷ ଟଙ୍କାର ଔଷଧ କିଣାବିକା ହେଉଛି। ବିନା ଅନୁମତି ଓ ବିନା ଡାକ୍ତରୀ ପରାମର୍ଶରେ ଏହି ବ୍ୟବସାୟ ଚାଲୁଥିବା ବେଳେ ଏହା ଉପରେ କାହାର ନିୟନ୍ତ୍ରଣ ରହୁନାହିଁ। ଏଥିଯୋଗୁଁ ଲୋକଙ୍କ ଜୀବନ ଉପରେ ବିପଦ ଆଶଙ୍କା ରହିଛି। ଡ୍ରଗ୍ସ ଆଣ୍ଡ କସମେଟିକ୍ସ ଆକ୍ଟ ୧୯୪୦ ଓ ଫାର୍ମାସୀ ଆକ୍ଟ ୧୯୪୮ ଅଧୀନରେ ମଧ୍ୟ ଅନ୍ଲାଇନ୍ ଔଷଧ କାରବାରକୁ ନିଷେଧ କରାଯାଇଛି। ଅନ୍ଲାଇନ୍ କାରବାର ବନ୍ଦ କରିବାକୁ ଡ୍ରଗ୍ସ କଣ୍ଟ୍ରୋଲ୍ର ଜେନେରାଲ୍ ଅଫ୍ ଇଣ୍ଡିଆ ସମସ୍ତ ରାଜ୍ୟର ଡ୍ରଗ୍ସ କଣ୍ଟ୍ରୋଲରମାନଙ୍କୁ ୨୦୧୫ରୁ ନିର୍ଦେଶ ଦେଇଛନ୍ତି। ତଥାପି ଏହା ଉପରେ ଅଙ୍କୁଶ ଲାଗିପାରୁନାହିଁ। ଅନ୍ଲାଇନ୍ ଔଷଧ କାରବାର ଉପରେ ନିୟନ୍ତ୍ରଣ ପାଇଁ ଗତ ସେପ୍ଟେମ୍ବର ମାସରେ କେନ୍ଦ୍ର ସରକାର ଏକ ଚିଠା ନୀତି ପ୍ରସ୍ତୁତ କରିଛନ୍ତି।
ଅନ୍ଲାଇନ ଔଷଧ ବିକ୍ରିକୁ ନିଷିଦ୍ଧ କଲେ ଦିଲ୍ଳୀ ହାଇକୋର୍ଟ
Popular Categories
Previous article
Next article