ନୀଳଗିରି: ନୀଳଗିରି ବ୍ଲକ ଜଡିଦା ଗ୍ରାମରେ ମହୁମାଛି ଆକ୍ରମଣ ଯୋଗୁ ୨ ଶିଶୁଙ୍କ ସମେତ ୫ ଜଣ ଗୁରୁତର ଆହତ ହୋଇ ନୀଳଗିରି ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଉକ୍ତ ଗ୍ରାମର ଶୁଭଲକ୍ଷ୍ମୀ ଷଡଙ୍ଗୀ ତାଙ୍କ ଦୁଇ ଝିଅ ମଧୁସ୍ମିତା ଓ ଦେବସ୍ମିତାଙ୍କ ସହିତ ରାତିରେ ସାଇକଲରେ ଜଡିଦା ସ୍ଥିତ ପୁରୁଣା ଘରୁ ବାଉଁଶନାଳ ସ୍ଥିତ ନୂଆ ଘରକୁ ଯାଉଥିଲେ। ରାସ୍ତା କଡ଼ରେ ଥିବା ତେନ୍ତୁଳି ଗଛରୁ ଅଚାନକ ମହୁମାଛି ଉଡି ଆସି ସେମାନଙ୍କୁ ଆକ୍ରମଣ କରିଥିଲେ।
ମହୁମାଛି ଆକ୍ରମଣରେ ଶୁଭଲକ୍ଷ୍ମୀ ସଂଜ୍ଞାହୀନ ହୋଇ ପଡିଥିବା ବେଳେ ଦୁଇ ଶିଶୁ କନ୍ୟା ମଧ୍ୟ ଆକ୍ରମଣର ଶିକାର ହୋଇଥିଲେ। ଏହା ଦେଖି ଶ୍ବଶୁର ସଚିନ୍ଦ୍ରନାଥ ଷଡଙ୍ଗୀ ଦୌଡି ଆସି ବୋହୂଙ୍କୁ ଉଦ୍ଧାର କରିବା ସମୟରେ ସେ ମଧ୍ୟ ଆକ୍ରମଣର ଶିକାର ହୋଇଥିଲେ। ଶିଶୁ କନ୍ୟାଙ୍କୁ ଉଦ୍ଧାର କରିବା ସମୟରେ ଶାଶୁ ରାଧାରାଣୀଙ୍କୁ ମହୁମାଛି ଆକ୍ରମଣ କରିଥିଲେ। ସ୍ଥାନୀୟ ଲୋକେ ସେମାନଙ୍କୁ ନୀଳଗିରି ଡାକ୍ତରଖାନାରେ ଭର୍ତ୍ତି କରିଛନ୍ତି।
Comments are closed.