ନୂଆଦିଲ୍ଲୀ : ଏଲନ ମସ୍କ ମାନବ ଇତିହାସର ସବୁଠାରୁ ବଡ କାରନାମା କରି ଦେଖାଇଛନ୍ତି । ନିକଟରେ ଏଲନ ମସ୍କଙ୍କ କମ୍ପାନୀ ନ୍ୟୁରାଲିଙ୍କ୍ ଜଣେ ମାନବ ମସ୍ତିଷ୍କରେ ଏକ ଚିପ୍ ଲଗାଇଥିଲା । ଏନେଇ ସୂଚନା ଦେଇଥିଲେ ଏଲନ ମସ୍କ । ଏବେ ଜଣାପଡିଛି କି ମସ୍ତିଷ୍କରେ ଚିପ୍ ଲାଗିଥିବା ବ୍ୟକ୍ତି ଜଣକ ବିନା ସ୍ପର୍ଶ କରି କମ୍ପ୍ୟୁଟରର ମାଉସ ଚଲାଇପାରିଛନ୍ତି ।
ସୋସିଆଲ ମିଡିଆ ପ୍ଲାଟଫର୍ମରେ ହୋଇଥିବା ମହାକାଶ କାର୍ଯ୍ୟକ୍ରମ ସମୟରେ ଏଲନ ମସ୍କ ଏହି ସୂଚନା ସେୟାର କରିଛନ୍ତି । ସେ ଜଣାଇଛନ୍ତି କି କାର୍ଯ୍ୟକ୍ରମ ଭଲ ଥିଲା ଏବଂ ରୋଗୀ ସମ୍ପୂର୍ଣ୍ଣ ରୂପେ ଆରୋଗ୍ୟ ହୋଇଯାଇଛନ୍ତି । ଏଥିରେ ତାଙ୍କର କୌଣସି କ୍ଷତି ହୋଇନି । ରୋଗୀ କେବଳ ମନରେ ଚିନ୍ତା କରି ମାଉସକୁ କଣ୍ଟ୍ରୋଲ କରି ଦେଖାଇଛନ୍ତି ଏହା ପରେ ପରଦାରେ ମାଉସର ପଏଣ୍ଟ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଗତି କରୁଥିବା ଦେଖିବାକୁ ମିଳିଛି ।
କହିରଖୁଛୁ ନ୍ୟୁରାଲିଙ୍କ ଏଲନ ମସ୍କଙ୍କ କମ୍ପାନୀ ଏବଂ ସେ ଖୁଲାସା କରିଛନ୍ତି କି ତାଙ୍କ କମ୍ପାନୀ ସାମ୍ନାରେ ଏକ ବଡ ଲକ୍ଷ୍ୟ, ଯାହାକୁ ସେ ନିଶ୍ଚୟ ହାସଲ କରିବେ । କମ୍ପାନୀ ମାନବ ମସ୍ତିଷ୍କରେ ଚିପ୍ ଲଗାଇ ଅନେକ ଜଟିଳ କାମକୁ ସରଳ କରିବା ପାଇଁ ଲକ୍ଷ୍ୟ ରଖିଛି । ଏହା ଫଳରେ ଅନେକ କାମ ସହଜ ହୋଇଯିବା ସହ ସମୟ ମଧ୍ୟ ବଞ୍ଚିବ । ଜଣେ କେବଳ ଚିନ୍ତା କରି ଅନେକ କାମ ସହଜରେ କରିପାରିବ ।
Comments are closed.