ଏହି ଭୋଗ କଲେ ଶାନ୍ତ ହେବେ ଶନିଦେବ ; ମାତ୍ର କରନ୍ତୁ ନାହିଁ ତମ୍ବାପାତ୍ରର ବ୍ୟବହାର..

ସପ୍ତାହର ପ୍ରତ୍ୟେକ ଦିନ ସମସ୍ତ ଦେବୀ ଦେବତାଙ୍କୁ ସମର୍ପିତ। ଶନିବାର ଦିନଟି କର୍ମ ଓ ନ୍ୟାୟ ଦେବତା ଶନିଦେବଙ୍କୁ ସମର୍ପିତ। ଶନିବାର ଦିନ ପୂଜା କରିବା ଦ୍ୱାରା ଶନିଦେବଙ୍କ ବିଶେଷ କୃପା ପ୍ରାପ୍ତି ହୋଇଥାଏ। ଧାର୍ମିକ ମାନ୍ୟତା ଅନୁସାରେ ଶନିଦେବ କର୍ମ ଆଧାରରେ ଶୁଭ ଓ ଅଶୁଭ ଫଳ ଦେଇଥାଆନ୍ତି। ପ୍ରତ୍ୟେକ ବ୍ୟକ୍ତି ଶନିଦେବଙ୍କ କୃପା ଇଚ୍ଛା କରନ୍ତି। ଶନିଦେବଙ୍କ କୃପା ପ୍ରାପ୍ତି ପାଇଁ କିଛି ସହଜ ଉପାୟ ବିଷୟରେ ଜାଣନ୍ତୁ..
ଭୋଜନ ସହ ଜଡିତ କିଛି ଜିନିଷ ଶନିଦେବଙ୍କର ଖୁବ୍‌‌ ପ୍ରିୟ। ଶନିବାର ଦିନ ଶନିଦେବତାଙ୍କ ନିକଟରେ ଏହି ଭୋଗ ଲଗାଇବା ଦ୍ୱାରା ଶନିଦେବ ଅତ୍ୟନ୍ତ ପ୍ରସନ୍ନ ହୋଇଥାଆନ୍ତି।
ଶନିବାର ଦିନ ପୂଜାରେ ବିରି ଡାଲିରେ ଖେଚେଡି ପ୍ରସ୍ତୁତ କରି ଭୋଗ କରନ୍ତୁ। ଏହାକୁ ଗ୍ରହଣ କରିବା ଦ୍ୱାରା ଶନିଦେବଙ୍କ କୃପା ପ୍ରାପ୍ତି ହୋଇଥାଏ।
ଶନିଦେବଙ୍କୁ କଳାରାଶି ଅତ୍ୟନ୍ତ ପ୍ରିୟ। ଶନିବାର ଦିନ ବିଧି ବିଧାନ ସହ ପ୍ରଭୁଙ୍କ ପୂଜା କରିବା ସହ କଳାରାଶିର ଲଡୁ ଭୋଗ କରନ୍ତୁ। ଭୋଗ ପରେ ଏହାକୁ ଗ୍ରହଣ କରିବା ସହ ପରିବାର ଲୋକଙ୍କ ମଧ୍ୟରେ ବାଣ୍ଟି ଦିଅନ୍ତୁ।
ଶନିଦେବଙ୍କ ନିକଟରେ ଗୁଡ, ଗୁଲାବଜାମୁନ୍‌‌ ଆଦି ଭୋଗ ଲଗାନ୍ତୁ। ଶନିଦେବଙ୍କୁ ଗୁଡ ଭୋଗ ଅତ୍ୟନ୍ତ ପ୍ରିୟ। ଗୁଲାବ୍‌‌ଜାମୁନ୍‌‌ ଓ ମିଠାପୁରି ଭୋଗ କରିବା ଦ୍ୱାରା ଶନିଦେବଙ୍କ କୋପରୁ ରକ୍ଷା ମିଳିଥାଏ।
ଶନିଦେବଙ୍କୁ ଭୋଗ ଅର୍ପଣ କରିବା ସମୟରେ ଭୁଲ୍‌‌ରେ ମଧ୍ୟ ତମ୍ବା ବାସନର ବ୍ୟବହାର କରନ୍ତୁ ନାହିଁ। ଶନିଦେବଙ୍କୁ ଭୋଗ ଅର୍ପଣ କରିବା ପାଇଁ ଲୁହାର ବାସନ ବ୍ୟବହାର କରିବା ଅତ୍ୟନ୍ତ ଉତ୍ତମ ବୋଲି କୁହାଯାଏ।