ବାଉଁଶୁଣି : ବୌଦ୍ଧ ବ୍ଲକ ବାଉଁଶୁଣୀ ଗ୍ରାମ ପଞ୍ଚାୟତ ଜମଘାଟୀ ଗ୍ରାମରେ ରୋଷେଇ ବେଳେ ଗ୍ୟାସ୍ ସିଲିଣ୍ଡରରେ ନିଆଁ ଲାଗି ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି। ଖବର ପାଇ ଯମଘାଟି ଗ୍ରାମବାସୀ ଓ ବାଉଁଶୁଣୀ ଦମକଳ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ।
ମିଳିଥିବା ସୂଚନା ଅନୁଯାୟୀ ଜମଘାଟୀ ଗ୍ରାମର ଭାସ୍କର ଥାଟୀଙ୍କ ଘରେ ରୋଷେଇ ବେଳେ କୌଣସି କାରଣରୁ ଗ୍ୟାସ୍ ଲିକ ହୋଇ ସିଲିଣ୍ଡରରେ ନିଆଁ ଲାଗି ଯାଇଥିଲା। ପରିବାରବର୍ଗ ବାହାରକୁ ଚାଲି ଆସି ଗ୍ରାମବାସୀଙ୍କୁ ଅବଗତ କରାଇଥିଲେ। ଗ୍ରାମବାସୀ ସଙ୍ଗେ ସଙ୍ଗେ ବାଉଁଶୁଣୀ ଦମକଳ କେନ୍ଦ୍ରକୁ ସୂଚନା ଦେଇଥିଲେ। ବାଉଁଶୁଣୀ ଦମକଳ ବାହିନୀ ପହଂଚି ନିଆଁକୁ ଆୟତ୍ତ କରିଥିଲେ। ଫଳରେ ଏକ ବଡ଼ ଦୁର୍ଘଟଣାରୁ ପରିବାର ବର୍ଗ ବର୍ତ୍ତିଯିବା ସହ ବିଶେଷ କିଛି କ୍ଷୟକ୍ଷତି ହୋଇନ ଥିବା ଜଣା ପଡିଛି।
Comments are closed.