ପାଟଣା : ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗା ସରସ୍ଵତୀ ଶିଶୁ ବିଦ୍ୟା ମନ୍ଦିରର ଶିକ୍ଷା ବର୍ଷ ୨୦୨୨-୨୩ ବ୍ଲକ ସ୍ତରୀୟ ସରକାରୀ ମେଧା ବୃତ୍ତିରେ ତୃତୀୟ ଓ ପଞ୍ଚମ ଶ୍ରେଣୀର ୫ଜଣ ଛାତ୍ରଛାତ୍ରୀ କୃତିତ୍ବ ଅର୍ଜନ କରି ବିଦ୍ୟାଳୟର ଗୌରବ ବୃଦ୍ଧି କରିଛନ୍ତି । ତୃତୀୟ ଶ୍ରେଣୀର ସ୍ଵାତୀ ସ୍ମିତା ମହାନ୍ତ ୩ୟ ସ୍ଥାନ , ବିଷ୍ଣୁପ୍ରିୟା ମହାନ୍ତ ଗରିବ ମେଧା ବୃତ୍ତିରେ ୨ୟ ସ୍ଥାନ ଓ ପଞ୍ଚମ ଶ୍ରେଣୀ ବୃତ୍ତିରେ ପ୍ରତ୍ୟୁଷ କୁମାର ବାରିକ ୨ୟ ସ୍ଥାନ , ଆୟୁଷ ଅଭିଜ୍ଞାନ ବେହେରା ୪ର୍ଥ ସ୍ଥାନ , ପୁନିତ୍ କୁମାର ସାହୁ ଗରିବ ମେଧା ବୃତ୍ତିରେ ପ୍ରଥମ ସ୍ଥାନ ପାଇଛନ୍ତି । ଏମାନଙ୍କର ସଫଳତା ଯୋଗୁଁ ବିଦ୍ୟାଳୟ ତରଫରୁ ସମ୍ପାଦକ ପ୍ରମୋଦ କୁମାର ସାହୁ, ପ୍ରଧାନ ଆଚାର୍ଯ୍ୟ ଚିତ୍ତରଞ୍ଜନ ମହାନ୍ତ ସେମାନଙ୍କୁ ସମ୍ବର୍ଦ୍ଧନା ପ୍ରଦାନ କରିଛନ୍ତି । ବିଦ୍ୟାଳୟର ପରିଚାଳନା ସମିତିର ସମସ୍ତ ସଦସ୍ୟ ଓ ଗୁରୁଜୀ ଗୁରୁମା ଶିଶୁ ଭାଇ ଭଉଣୀ ମାନଙ୍କର ଉନ୍ନତି କାମନା କରିଥିଲେ ।
