ବିଶାଖାପାଟଣା: ୱିକେଟରକ୍ଷକ/ବ୍ୟାଟସମ୍ୟାନ ଈଶାନ କିଷନଙ୍କ ଭାରତୀୟ ଦଳକୁ ପ୍ରତ୍ୟାବର୍ତ୍ତନ ବିଳମ୍ବ ହେବ ବୋଲି ସୂଚନା ଦେଇଛନ୍ତି ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ଼। ଇଂଲଣ୍ଡ ବିପକ୍ଷ ଦ୍ବିତୀୟ ଟେଷ୍ଟ ମ୍ୟାଚ୍ରେ ଭାରତୀୟ ଦଳ ବିଜୟୀ ହୋଇଛି। ଟେଷ୍ଟ ଶୃଙ୍ଖଳାର ବାକି ୩ଟି ମ୍ୟାଚ୍ ପାଇଁ ଭାରତୀୟ ଦଳ ଘୋଷଣା ହେବ। ଏହି ଦଳରେ ଈଶାନ କିଷନଙ୍କୁ ସାମିଲ କରାଯିବା ସମ୍ପର୍କରେ ସାମ୍ବାଦିକଙ୍କ ପ୍ରଶ୍ନର ଉତ୍ତରରେ ଦ୍ରାବିଡ଼ କହିଥିଲେ କିଷନଙ୍କ ସହ ଭାରତୀୟ ଦଳର ମ୍ୟାନେଜମେଣ୍ଟ ଯୋଗାଯୋଗ ରକ୍ଷା କରିଛି। ତେବେ କିଷନ କ୍ରିକେଟ୍କୁ ଫେରିବାକୁ ସଂପୂର୍ଣ୍ଣ ରୂପେ ପ୍ରସ୍ତୁତ ନ ଥିବାରୁ ଭାରତୀୟ ଦଳକୁ ତାଙ୍କ ପ୍ରତ୍ୟାବର୍ତ୍ତନ ବିଳମ୍ବ ହେବ। କିଛିଦିନ ବିରତି ପାଇଁ କିଷନ ଭାରତୀୟ ଦଳ ମ୍ୟାନେଜମେଣ୍ଟକୁ ଅନୁମତି ମାଗିଥିଲେ। ତାଙ୍କୁ ବିରତି ନେବାକୁ ଅନୁମତି ମିଳିଛି। ସେ କେବେ କ୍ରିକେଟକୁ ଫେରିବେ ସେ ସମ୍ପର୍କରେ ନିଷ୍ପତ୍ତି କିଷନ ନେବେ।
Popular Categories
Previous article
Next article