କଟକ: କୁହୁଡି ଯୋଗୁଁ ଓଲଟିଲା ଲକ୍ଷ୍ମୀ ବସ୍ । ଡିଭାଇଡରରେ ପିଟି ହୋଇ ବସ୍ ଟି ଓଲଟି ପଡିଛି। ଚୌଦ୍ବାର ଥାନା ନୁଆପାଟଣା ରାସ୍ତାରେ ଏହି ଦୁର୍ଘଟଣା ଘଟିଛି। ଦୁର୍ଘଟଣାରେ ୨୦ଜଣ ଆହତ ହୋଇଛନ୍ତି। ଲକ୍ଷ୍ମୀ ନାମକ ବସ୍ଟି ଢେଙ୍କାନାଳ ପଟୁ କଟକ ଆସୁଥିଲା। ବସରେ ଅଧିକାଂଶ ମହିଳା ଯାତ୍ରୀ ଥିବା ଜଣାପଡିଛି। ଗୁରୁବାର ସକାଳୁ ବସଟି ସ୍ବୟଂ ସହାୟକ ଗୋଷ୍ଠୀର କିଛି ମହିଳାଙ୍କୁ ଆସୁଥିବାବେଳେ ଓଲଟି ପଡିଛି। ପରେ ଅଗ୍ନିଶମବାହିନୀ ଖବର ପାଇ ଘଟଣାସ୍ଥଳରେ ପହଞ୍ଚି ଗୁରୁତରଙ୍କୁ ଉଦ୍ଧାର କରି କଟକ ଏସସିବି ସ୍ଥାନାନ୍ତର କରିଛି। ପ୍ରବଳ କୁହୁଡି ଯୋଗୁଁ ରାସ୍ତା ନଦେଖାଯିବା କାରଣରୁ ବସଟି ଡିଭାଇଡରରେ ପିଟି ହୋଇଯାଇଥିବା କୁହାଯାଉଛି।
Comments are closed.