ଫୁଲବାଣୀ: ଫୁଲବାଣୀ ସହରର ‘ଦିନେଶ ଜୁଏଲରୀ’ରେ ଜିଏସଟି ବିଭାଗ ପକ୍ଷରୁ ଚଢ଼ଉ କରାଯାଇଛି । ରାୟଗଡ଼ା-ଫୁଲବାଣୀ ଡିଭିଜନ ସହକାରୀ କମିଶନର ଟିମ୍ ସହ ଆସି ଏହି ଚଢ଼ାଉ କରିଥିଲେ । ପ୍ରାୟ ଦୁଇ ଘଣ୍ଟା ଧରି ଚଢ଼ାଉ କରି ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଥିଲା ଟିମ । କେତେ ସୁନା ଓ ରୁପା ଦୋକାନରେ ଥିଲା ତାହାର ହିସାବ କରିବ ଏହି ଟିମ । ଚଢ଼ାଉ ଦେଖି ଅନ୍ୟ ସୁନା ଦୋକାନ ଗୁଡ଼ିକ ବନ୍ଦ ହୋଇଯାଇଥିଲା ଯାହାକୁ ନେଇ ସନ୍ଦେହ ସୃଷ୍ଟି ହୋଇଛି । ଅନ୍ୟମାନେ ମଧ୍ୟ ବିନା ଟ୍ୟାକ୍ସରେ ବେଆଇନ ସୁନା କାରବାର ହେଉଥିବା ସାଧାରଣରେ ଚର୍ଚ୍ଚା ଜୋର ଧରିଛି । ଅନ୍ୟପଟେ ବେଆଇନ ସାମଗ୍ରୀ ବୋଝେଇ ଏକ ପିକଅପ ଭ୍ୟାନକୁ ଜବତ କରିବା ସହ ଟ୍ୟାକ୍ସ ଫାଙ୍କୁଥିବା ଅଭିଯୋଗରେ ୮୨ହଜାର ଟଙ୍କା ଫାଇନ କରିଥିଲା ଟିମ ।
