ରେଙ୍ଗାଲିକ୍ୟାମ୍ପ: ଅତାବିରା ଗ୍ୟାସ ସିଲିଣ୍ଡର ଚୋରି ରେକେଟ ପର୍ଦାଫାସ ସମୟରେ ବରଗଡ଼ ଜିଲ୍ଲା ଅତାବିରା ପୋଲିସ ଛତିଶଗଡ଼ ରାଜ୍ୟର ଜଣେ ନିଖୋଜ ଥିବା ଖବର ପାଇଥିଲେ। ସେହି ବ୍ୟକ୍ତିକୁ ଉଦ୍ଧାର କରି ତାର ପରିବାରବର୍ଗକୁ ହସ୍ତାନ୍ତର କରିଛି। ସୂଚନାଯୋଗ୍ୟ ଯେ ଅତାବିରା ବ୍ଳକ ସିଲେଟ ପଞ୍ଚାୟତ ବାଟିମୁଣ୍ଡା ଅଞ୍ଚଳରେ ଜଣେ ମାନସିକ ରୋଗୀ ଗ୍ରାମ ଭିତରକୁ ପ୍ରବେଶ କରି ଏପଟ ସେପଟ ହୋଇ ବୁଲଥିବାର ଖବର ଅତାବିରା ପୋଲିସ ପାଖରେ ପହଞ୍ଚି ଥିଲା। ଖବର ପାଇ ଥାନା ଅଧିକାରୀ ସୁକୁମାର ତ୍ରିପାଠୀଙ୍କ ତତ୍ତ୍ୱାବଧାନରେ ଘଟଣାସ୍ଥଳରେ ପହଞ୍ଚି ଅନୁସନ୍ଧାନ କରି ଫଟୋ ଉତ୍ତୋଳନ କରି ହୀରାକୁଦ ବନ୍ଧ ନିକଟସ୍ଥ ଜିରୋ ପଏଣ୍ଟ ପାଖରୁ ଉଦ୍ଧାର କରି ପଚରା ଉଚରା କରାଯାଥିଲା। ସେ ଖଣ୍ଡେ ପ୍ୟାଣ୍ଟ ଓ ଗୋଟିଏ ଜ୍ୟାକେଟ ପିନ୍ଧିଥିଲା ଓ ଛତିଶଗଡି ଭାଷାରେ ଅସ୍ପଷ୍ଟ ଭାବେ କଥାବାର୍ତ୍ତା କରୁଥିଲା। ପରେ ଖବର ପାଇ ଖର୍ସିଆ ଥାନା ମଦନପୁର ଗ୍ରାମର ଜ୍ଞାନ ବଂଜାରୀ ଅତାବିରା ପୋଲିସ ଷ୍ଟେସନରେ ପହଞ୍ଚି ନିଖୋଜ ଥିବା ନିଜର ବାପା ରାଜେନ ବଂଜାରୀ (୫୨)କୁ ପାଇ ଖୁସିରେ ପାଛୋଟି ପକାଇଥିଲା। ସେ ଆଜକୁ ୪୫ ଦିନ ହେଲା ଘରକୁ ଆସୁନଥିଲେ।
Popular Categories
Previous article
Next article