ବେଙ୍ଗାଲୁରୁ: ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ ଭାରତ ଓ ଆଫଗାନିସ୍ତାନ ମଧ୍ୟରେ ବୁଧବାର ରୋମାଞ୍ଚକର କ୍ରିକେଟ ମୁକାବିଲା ଦେଖିବାକୁ ମିଳିଥିଲା । ଟି୨୦ କ୍ରିକେଟର ଭରପୂର ମଜା ନେଇଥିଲେ ଦର୍ଶକ । ୪୩.୩ ଓଭରରେ ଟି୨୦ କ୍ରିକେଟ ମ୍ୟାଚର ଫଳାଫଳ ବାହାରିଥିଲା । ଶେଷରେ ଭାରତ ଦ୍ୱିତୀୟ ସୁପର ଓଭରରେ ବିଜୟୀ ହୋଇଥିଲା । ଅଧିନାୟକ ରୋହିତ ଶର୍ମାଙ୍କ ଶତକ ବଳରେ ଆଫଗାନିସ୍ତାନ ବିପକ୍ଷ ଟି୨୦ ଶୃଙ୍ଖଳାକୁ ଭାରତ ମୂଳପୋଛ କରିଛି । ଶୃଙ୍ଖଳାର ଅନ୍ତିମ ମ୍ୟାଚରେ ଭାରତ ଦ୍ୱିତୀୟ ସୁପରଓଭରରେ ୧୦ ରନରେ ଆଫଗାନିସ୍ତାନକୁ ପରାସ୍ତ କରିଛି । ଏଥିସହ ଭାରତ ୩ମ୍ୟାଚ ବିଶିଷ୍ଟ ଶୃଙ୍ଖଳାକୁ ୩-୦ରେ ପୋଛି ନେଇଛି । ପ୍ରଥମ ମ୍ୟାଚରେ ଭାରତ ୬ୱିକେଟ ଓ ଦ୍ୱିତୀୟ ମ୍ୟାଚକୁ ୬ୱିକେଟରେ ଜିତିଥିଲା ।
ରୋହିତ ଶର୍ମାଙ୍କ ୧୨୧ ରନ ଓ ରିଙ୍କୁ ସିଂହଙ୍କ ୬୯ରନ ବଳରେ ୨୧୨ ରନ କରିଥିଲା । ଜବାବରେ ଆଫଗାନିସ୍ତାନ ରେହମାନ୍ଉଲ୍ଲା ଗୁର୍ ବାଜ୍, ଇବ୍ରାହିମ୍ ଜର୍ଡାନ ଓ ଗୁଲବଦ୍ଦିନ ନଇବ୍ଙ୍କ ଅର୍ଦ୍ଧଶତକ ବଳରେ ୨୧୨ ରନ କରିଥିଲା । ମ୍ୟାଚ ଟାଇ ରହିବାରୁ ସୁପର ଓଭର ଖେଳାଯାଇଥିଲା । ସୁପର ଓଭରରେ ଆଫଗାନିସ୍ତାନ ୧୬ ରନ କରିଥିବା ବେଳେ ଜବାବରେ ଭାରତ ୧ ୱିକେଟରେ ୧୬ ରନ କରିଥିଲା । ପ୍ରଥମ ସୁପରଓଭର ଟାଇ ରହିବାରୁ ଦ୍ୱିତୀୟ ସୁପରଓଭର ଖେଳାଯାଇଥିଲା । ଏଥିରେ ଭାରତ ୧୧ ରନ କରିଥିଲା । ଜବାବରେ ଆଫଗାନିସ୍ତାନ ୧୦ ରନ କରି ପରାସ୍ତ ହୋଇଥିଲା ।
