ଲାଞ୍ଜିଗଡ : ଲାଞ୍ଜିଗଡ଼ ଡିଏଭି ବେଦାନ୍ତ ଅନ୍ତର୍ଜାତୀୟ ବିଦ୍ୟାଳୟ କ୍ରୀଡ଼ା କ୍ଷେତ୍ରରେ ସଫଳତାର ଗୋଟିଏ ପରେ ଗୋଟିଏ ପାହାଚ ଚଢିଚାଲିଛି । ସର୍ବପ୍ରଥମେ ଡିଏଭି ଜୋନର ଉତ୍ତର ପ୍ରଦେଶର ମିରଟରେ ଆୟୋଜିତ ଜାତୀୟ ଫୁଟବଲ ପ୍ରତିଯୋଗିତା ବାଳକ ବିଭାଗରେ ଡିଏଭି ଲାଞ୍ଜିଗଡ଼ର ଛାତ୍ରମାନେ ରନର୍ସଅପ ହୋଇ ସମସ୍ତଙ୍କୁ ଚକିତ କରିଦେଇଥିଲେ । ପୁଣି ଜାତୀୟ ତୀରନ୍ଦାଜ ପ୍ରତିଯୋଗିତାରେ ବାଳିକା ବିଭାଗରେ ଦଳଗତ ରନର୍ସଅପ ହୋଇଥିବା ବେଳେ ବାଳକ ବିଭାଗରେ ଦଳଗତ ତୃତୀୟ ସ୍ଥାନ ହାସଲ କରିନ୍ତି। ଏହି ତୀରନ୍ଦାଜ ପ୍ରତିଯୋଗିତାରେ ବାଳକ ବିଭାଗରେ କ୍ଷୀରୋଦ କୁମାର ଦ୍ବିତୀୟ ସ୍ଥାନ ଅଧିକାର କରି ରୌପ୍ୟ ପଦକ ଓ ବାଳିକା ବିଭାଗରେ ପି. ଭି. ଶ୍ରୀ ପୂଜିତା ତୃତୀୟ ସ୍ଥାନରେ ବ୍ରୋଞ୍ଜ ପଦକ ପ୍ରାପ୍ତ କରିଛନ୍ତି । ସେହିପରି ହରିୟାଣାର ପାନିପଥଠାରେ ଅନୁଷ୍ଠିତ ଜାତୀୟ କରାଟେ ପ୍ରତିଯୋଗିତାରେ ବାଳକ ବିଭାଗରେ ଶ୍ରୀମାନ କିରଣ ବେମାଲ ଦ୍ଵିତୀୟ ସ୍ଥାନ ପାଇ ରୌପ୍ୟ ପଦକ ହାସଲ କରିଛନ୍ତି । ବିଦ୍ୟାଳୟର ଏହି ସଫଳତାରେ ଆନନ୍ଦ ପ୍ରକଟ କରି ଅଧ୍ୟକ୍ଷ ସଦାନନ୍ଦ ହୋତା ସମସ୍ତ କୃତୀ ଛାତ୍ରଛାତ୍ରୀମାନଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇବା ସହ ଭବିଷ୍ୟତରେ ବିଦ୍ୟାଳୟର ଏହି ଗୌରବକୁ ଅକ୍ଷୂର୍ଣ୍ଣ ରଖିବାକୁ ପରାମର୍ଶ ଦେଇଥିଲେ ।
Comments are closed.