ନୀଳଗିରି: ବାଲେଶ୍ୱର ଜିଲା ସିମୁଳିଆ ବ୍ଲକର ଅଙ୍ଗନବାଡ଼ି ସୁପରଭାଇଜର ବୃନ୍ଦାବତୀ ସିଂଙ୍କୁ ନୀଳଗିରି ଏସଡିଜେଏମ ଇପ୍ସି ମହାନ୍ତି ୧ବର୍ଷ ଜେଲଦଣ୍ଡ ସହ ୭ଲକ୍ଷ ଟଙ୍କା ଜୋରିମାନା ନିର୍ଦ୍ଦେଶ ଦେଇଛନ୍ତି । ନୀଳଗିରି ଥାନା ଅଧୀନ ବାଘମରା ଗାଁର ଦିବାକର ସିଂଙ୍କ ସ୍ତ୍ରୀ ତଥା ସୁପରଭାଇଜର ବୃନ୍ଦାବତୀ ନୀଳଗିରି ସହର କଦମସାହି ଅଞ୍ଚଳର ମହେନ୍ଦ୍ର ବେହେରାଙ୍କଠାରୁ ୬ଲକ୍ଷ ଟଙ୍କା ଧାରସୂତ୍ରରେ ନେଇ ପ୍ରତିବଦଳରେ ଏକ ଚେକ ଦେଇଥିଲେ । କିନ୍ତୁ ଉକ୍ତ ଟଙ୍କା ନଫେରାଇବା ଯୋଗୁ ବାଧ୍ୟ ହୋଇ ଶ୍ରୀ ବେହେରା ଏନେଇ ଅଦାଲତର ଦ୍ୱାରସ୍ଥ ହୋଇଥିଲେ । ଆଜି ନୀଳଗିରି ଏସଡିଜେଏମ ଉକ୍ତ ଘଟଣାର ବିଚାର କରି ରାୟ ପ୍ରକାଶ କରିଛନ୍ତି । ଅଭିଯୋଗକାରୀଙ୍କ ତରଫରୁ ଆଇନଜୀବୀ ସତ୍ୟଜିତ ମିଶ୍ର ଓ ତନୟ ପାତ୍ର ମୋକଦ୍ଦମା ପରିଚାଳନା କରୁଥିଲେ ।
Comments are closed.