ଶୀତ ଋତୁରେ କାହିଁକି ଶୁଷ୍କ ପଡେ ତ୍ୱଚା

ଶୀତ ଋତୁ ଚାଲିଥିବାରୁ ସବୁଠି ପ୍ରବଳ ଥଣ୍ଡା ଅନୁଭୂତ ହେଉଛି। ଏହି ଦିନରେ ଅଧିକାଂଶ ଲୋକେ ବିଭିନ୍ନ ଚର୍ମ ରୋଗରେ ଆକ୍ରାନ୍ତ ହୋଇଥିବା ଦେଖିବାକୁ ମିଳେ। ଆପଣମାନେ ପ୍ରାୟତଃ ଶୀତ ଦିନରେ ଗାଧୋଇକି ଆସିବା ପରେ ଦେହରେ ବଡି ଲୋସନ ଲଗାଇଥାନ୍ତି। କାରଣ ଗାଧୋଇବା ପରେ ଅନେକଙ୍କ ତ୍ୱଚା ଶୁଖିଲା ପଡିଯାଏ। ଏହାର କାରଣ କଣ ରହିଛଇ ଚାଲନ୍ତୁ ଜାଣିବା।
ଶୀତ ଦିନରେ ମୁଖ୍ୟତଃ ଥଣ୍ଡା ପବନ ବହୁଥିବାରୁ ଏହା ତ୍ୱଚାରେ ବାଜିବା ପରେ ଚର୍ମ ଶୁଖିଯାଇଥାଏ। ଶୀତଦିନରେ ପ୍ରବଳ ଥଣ୍ଡା ଅନୁଭୂତ ହେଉଥିବାରୁ ଲୋକେ ଗରମ ପାଣିରେ ଗାଧୋଇବାକୁ ଭଲ ପାଆନ୍ତି। ମାତ୍ର ଏହା ତ୍ୱଚା ପାଇଁ କ୍ଷତିକାରକ ସାବ୍ୟସ୍ତ ହୋଇଥାଏ। ଅତ୍ୟଧିକ ଗରମ ପାଣିରେ ଗାଧୋଇବା ଦ୍ୱାରା ଶରୀରରେ ଥିବା ନାଚୁରାଲ ଅଏଲ ବାହାରିଯାଏ। ଯାହାଦ୍ୱାରା ଚର୍ମକୁ ମଶ୍ଚରାଇଜ୍‌‌ କରିବାକୁ ପଡିଥାଏ। ଆଉ ଏକ କାରଣ ହେଉଛି ଶୀତରେ ଦେହରେ ଶାବୁନ ଲଗାଇବା ଦ୍ୱାରା ଚର୍ମ ଶୁଖି ଯାଇଥାଏ। ଏଥିପାଇଁ ଥଣ୍ଡାରେ ଯଦି ଆପଣ ଶାବୁନ ଲଗାଇ ଗାଧୋଇବାକୁ ଚାହୁଁଛନ୍ତି ତେବେ ଏହାର କିଛି ସମୟ ପୂର୍ବରୁ ଦେହରେ ଭଲ ଭାବରେ ତେଲ ମସାଜ କରନ୍ତୁ। ଏହାସହ ଗାଧୋଇବା ପରେ ପ୍ରଥମେ ମଶ୍ଚରାଇଜ କରିବା ନିହାତି ଜରୁରୀ। ଏଭଳି କଲେ ଆପଣଙ୍କ ତ୍ୱଚା ଚମକିବ।