ହିନ୍ଦୁ ଧର୍ମରେ ଶୁକ୍ରବାର ଦିନ ମା’ଲକ୍ଷ୍ମୀଙ୍କୁ ସମର୍ପିତ। ଯେଉଁମାନେ ମା’ଲକ୍ଷ୍ମୀଙ୍କୁ ପୂଜାର୍ଚ୍ଚନା ଓ ବ୍ରତ କରନ୍ତି, ଜୀବନରେ କୌଣସି ସମସ୍ୟା ଆସିନଥାଏ। ସୁଖସମୃଦ୍ଧି ଓ ଧନସମ୍ପତ୍ତି ବୃଦ୍ଧି ହୋଇଥାଏ। ଜୀବନରେ ଥିବା ସମସ୍ୟା ଦୂର ହୋଇଥାଏ। ମନସ୍କାମନା ପୂରଣ ହୋଇଥାଏ। ଶୁକ୍ରବାର ଦିନ କିଛି ସ୍ୱତନ୍ତ୍ର ଜିନିଷ ଦାନ କରିବା ଦ୍ୱାରା ମା’ଲକ୍ଷ୍ମୀଙ୍କ ଆଶୀର୍ବାଦ ମିଳିଥାଏ। ଜାଣନ୍ତୁ କେଉଁ ଜିନିଷ ଦାନ କରିବା ଦ୍ୱାରା ଶୁଭଫଳ ମିଳିଥାଏ।
ମା’ଲକ୍ଷ୍ମୀଙ୍କ କୃପା ପାଇଁ ଶୁକ୍ରବାର ଦିନ ଅସହାୟ ଲୋକଙ୍କୁ ଧଳା ରଙ୍ଗର ଜିନିଷ କିମ୍ବା ଶୁକ୍ରଙ୍କ ସହ ଜଡିତ ଜିନିଷ,ବସ୍ତ୍ର ଦାନ କରନ୍ତୁ। ଏହାଦ୍ୱାରା ଶୁଭଫଳ ମିଳିଥାଏ।
ଶୁକ୍ରବାର ଦିନ ମା’ଲକ୍ଷ୍ମୀଙ୍କୁ ଶୃଙ୍ଗାର ଜିନିଷ ଅର୍ପଣ କରନ୍ତୁ। ଚୁଡି,ସିନ୍ଦୂର,ଆଦି ଅର୍ପଣ କରିବା ଦ୍ୱାରା ସୁଖସମୃଦ୍ଧି ଓ ସୌଭାଗ୍ୟ ପ୍ରାପ୍ତି ହୋଇଥାଏ।
ଶୁକ୍ରବାର ଗୁଡ ଦାନ କରନ୍ତୁ। ଏହାଦ୍ୱାରା ଘରେ ସୁଖସମୃଦ୍ଧି ଓ ହସଖୁସିର ଆଗମନ ହୋଇଥାଏ।
ବୈବାହିକ ଜୀବନ ସୁଖମୟ ହେବା ପାଇଁ ଶୁକ୍ରବାର ଦିନ ବିବାହିତ ସଧବା ସ୍ତ୍ରୀଙ୍କୁ ଚୁଡି ଦାନ କରନ୍ତୁ। ଏହାଦ୍ୱାରା ବୈବାହିକ ଜୀବନରେ ହସଖୁସି ଭରିଯାଏ।
ଶୁକ୍ରବାର ଦିନ ମା’ଲକ୍ଷ୍ମୀଙ୍କୁ କ୍ଷୀରି ଭୋଗ ଅର୍ପଣ କରନ୍ତୁ। ଏହାଦ୍ୱାରା ସଫଳତା ପ୍ରାପ୍ତି ହୋଇଥାଏ।
Comments are closed.