ହରଭଙ୍ଗା : ହରଭଙ୍ଗା ବ୍ଲକ ସାମ୍ବାଦିକ ସଙ୍ଘର ବନ୍ଧୁ ମିଳନ କାର୍ଯ୍ୟକ୍ରମ ବିରନରସିଂହପୁର ଜଳସେଚନ ବଙ୍ଗଳା ପ୍ରାଙ୍ଗଣରେ ସଭାପତି ନରେନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଆଗାମୀ ଦିନରେ ସଙ୍ଘ ପକ୍ଷରୁ ବିଭିନ୍ନ ଗଠନ ମୂଳକ କାର୍ଯ୍ୟକ୍ରମ ପାଇଁ ବୈଠକରେ ପଙ୍ଖାନୁପଙ୍ଖ ଆଲୋଚନା ହୋଇଥିଲା । ଏଥିରେ ସଙ୍ଘର କର୍ମକର୍ତ୍ତାମାନେ ନିଜର ସୁଚିନ୍ତିତ ମତାମତ ପ୍ରଦାନ କରିଥିଲେ। ଆଗାମୀ ଦିନରେ ଏହାକୁ ନେଇ ଏକ ଖସଡ଼ା ପ୍ରସ୍ତୁତ କରାଯାଇଛି । ଏହି କାର୍ଯ୍ୟପନ୍ଥା ଅନୁସାରେ ଆଗକୁ କାର୍ଯ୍ୟକ୍ରମ କରାଯିବ ବୋଲି ନିଷ୍ପତି ଗ୍ରହଣ କରାଯାଇଥିଲା । ଆଜିର ବୈଠକରେ ସଙ୍ଘର ପରାମର୍ଶଦାତା ସୁରେନ କୁମାର ପ୍ରଧାନ, ରତ୍ନାକର ବେହେରା, ଉପସଭାପତି ପ୍ରୀତି ରଞ୍ଜନ ଦାସ,ସମ୍ପାଦକ ତୁଷାରକାନ୍ତ ସାହୁ, କୋଷାଧ୍ୟକ୍ଷ ସଚିନ୍ଦ୍ର ସାହୁ,ଅଜିତ କୁମାର ବାରିକ, ଦୁର୍ୟୋଧନ ବିଶି, ସୌମ୍ୟ ରଞ୍ଜନ ସାହୁ, ଜୟନ୍ତ କୁମାର ମାଝୀ, ଶ୍ରୀନିବାସ ସାହୁ, ଦୀପକ ଅଦର, ମାନସ ମହାରଥା, ଦୀପକ କୁମାର ସାହୁ ପ୍ରମୁଖ ଉପସ୍ଥିତ ଥିଲେ । ଶେଷରେ ତୁଷାରକାନ୍ତ ସାହୁ ଧନ୍ୟବାଦ ପ୍ରଦାନ କରିଥିଲେ ।
Comments are closed.