ବାଲିଗୁଡା: ବାଲିଗୁଡା ଥାନା ଅନ୍ତର୍ଗତ ଗୋଇବନ୍ଧା ପୋଲ ନିକଟ ନାଳରୁ ନିଖୋଜ ଥିବା ପର୍ଯ୍ୟଟକ ଗାଡି ଚାଳକଙ୍କ ମୃତଦେହକୁ ଉଦ୍ଧାର ହୋଇଛି। ଏହି ନାଳରେ ଏକ ମୃତଦେହ ପଡ଼ିଥିବା ଦେଖି କିଛି ଲୋକ ପୁଲିସକୁ ଖବର ଦେଇଥିଲେ। ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ଉପଖଣ୍ଡ ଚିକିତ୍ସାଳୟକୁ ବ୍ୟବଛେଦ ପାଇଁ ପଠାଇଛି।
ସୂଚନା ପ୍ରକାରେ, ଏକ ପର୍ଯ୍ୟଟକ ବସ୍ କିଛି ପର୍ଯ୍ୟଟକଙ୍କୁ ନେଇ ଉତ୍ତରପ୍ରଦେଶ ଯାଇଥିଲା। ୨୨ ତାରିଖ ଦିନ ବାଲିଗୁଡା ଜାତୀୟ ରାଜପଥ ୫୯ କଡ଼ରେ ଗୋଇବନ୍ଧା ବ୍ରିଜ୍ ନିକଟରେ ସମସ୍ତେ ଭୋଜି କରି ଖାଇଥିଲେ। ଏହାପରେ ମୃତ ଡ୍ରାଇଭର ଶୌଚ ପାଇଁ ଯାଇ ଆଉ ଫେରି ନଥିଲେ। ଏହାକୁ ନେଇ ଏହି ବସ୍ର ଅନ୍ୟ ଜଣେ ଚାଳକ କାଶୀନାଥ ଭୋଇ ନିଖୋଜ ଥିବା ନେଇ ବାଲିଗୁଡା ଥାନାରେ ରିପୋର୍ଟ ଦେଇଥିଲେ। ସୋମବାର ମୃତ ଚାଳକଙ୍କ ପୁତୁରାଙ୍କ ସମେତ ଅନ୍ୟ ପରିବାର ଲୋକେ ଆସି ସକାଳ ସମୟରେ ମୃତ ଚାଳକ ହଜିଥିବା ନେଇ ରିପୋର୍ଟ କରିଥିଲେ। ଏହାର କିଛି ସମୟ ପରେ ମୃତଦେହକୁ ନାଳରୁ ପାଇଥିବା ନେଇ ପରିବାର ଲୋକଙ୍କୁ କହିବା ପରେ ଘଟଣା ସ୍ଥଳକୁ ପରିବାର ଲୋକେ ଯାଇ ମୃତଦେହ ଆମ ଲୋକର କହି ଚିହ୍ନିଥିଲେ। ପୁଲିସ ଏହାକୁ ନେଇ ଅଧିକ ତଦନ୍ତ କରୁଥିବା ଆଇଆଇସି ସୂଚନା ଦେଇଛନ୍ତି।
Comments are closed.