କାଣ୍ଟାବାଞ୍ଜି: କଣ୍ଟାବାଞ୍ଜି ସହରର ବଙ୍ଗୋମୁଣ୍ଡା ଫାଟକ ନିକଟରେ ଶୁକ୍ରବାର ଚଳନ୍ତା ରୋଲର ତଳେ ଚାପି ହୋଇ ସତନାମୀପଡ଼ାର ଗୀତା ସତନାମୀଙ୍କ ମୃତ୍ୟୁ ଘଟିଛି। ଏହାକୁ ନେଇ ଘଟଣାସ୍ଥଳରେ ଚାପା ଉତ୍ତେଜନା ଲାଗି ରହିଛି। ମୁଖ୍ୟ ରାସ୍ତା ୪୨ନଂ ରାଜ୍ୟ ରାଜପଥର ବଙ୍ଗୋମୁଣ୍ଡା ରେଳବାଇ ଫାଟକ ତଳେ ମୋଟର ସାଇକେଲ, ପଥର ଓ ଟାୟାର ଜାଳି, ବଙ୍ଗୋମୁଣ୍ଡା ଫାଟକରୁ ଖଡ଼ିଆଳ ରାସ୍ତାକୁ ଅବରୋଧ କରି କ୍ଷତିପୂରଣ ଦାବି କରିବା ସହ ପରିବାରର ଜଣେ ସଦସ୍ୟଙ୍କୁ ଚାକିରୀ ଦେବା ପାଇଁ ଦାବି କରିଛନ୍ତି ସ୍ଥାନୀୟ ପଡାବାସୀ ଓ ପରିବାର ଲୋକେ। ଘଟଣା ସ୍ଥଳରେ ଚାପ ଉତ୍ତେଜନା ଦେଖା ଦେବାରୁ କଣ୍ଟାବାଞ୍ଜି ପୁଲିସ ଫୋର୍ସ ମୁତୟନ ଅଛନ୍ତି। ବାରମ୍ବାର ଏହି ସ୍ଥାନରେ ବହୁ ଦୁର୍ଘଟଣା ଘଟୁଥିବାରୁ ପ୍ରଶାସନ ଓ ପୁଲିସକୁ ଦାୟୀ କରିଛନ୍ତି ସ୍ଥାନୀୟ ଲୋକେ। ଘଟଣା ସ୍ଥଳରେ ଉତ୍ତେଜନା ହେବାରୁ କଣ୍ଟାବାଞ୍ଜି ପୁଲିସ ଓ ଏସଡିପିଓ, ତହସିଲଦାର, ଉପସ୍ଥିତ ରହି ଲୋକଙ୍କୁ ବୁଝାସୁଝା କରୁଛନ୍ତି। ସେପଟେ ପୁଲିସର ପ୍ରତିକ୍ରିୟା ମିଳିପାରିନାହିଁ। ରାସ୍ତା ଅବରୋଧ ଯୋଗୁ ରେଳ ଫାଟକ ବନ୍ଦ ଥିବାରୁ ରାସ୍ତା କଡରେ କିଛି ଗାଡ଼ି ଅଟକି ରହିଛି। ବହୁ ଗାଡ଼ି ଅନ୍ୟ ରାସ୍ତା ଦେଇ ଯାଉଥିବା ଦେଖାଯାଇଛି। ଏହି ୪୨ନଂ ରାଜ୍ୟ ରାଜପଥରେ ବଙ୍ଗୋମୁଣ୍ଡା ରେଳବାଇ ଫାଟକ ଥିବାରୁ ଉଭୟ ପାର୍ଶ୍ଵରେ ଗଡାନିଆ ଓ ଖରିଆର ପଟ ଯିବାପାଇଁ ଗଡାନିଆ ଥିବାରୁ ସେଠାରେ ଦୁର୍ଘଟଣା ବାରମ୍ବାର ଘଟୁଥିବା ଯୋଗୁଁ ଏହି ସ୍ଥାନରେ ସମତଳ ରାସ୍ତା କରିବାକୁ ବାରମ୍ବାର ଲୋକେ ଦାବି କରି ଆସୁଛନ୍ତି। ପ୍ରାୟ ୩ଘଣ୍ଟାରୁ ଊର୍ଦ୍ଧ୍ବ ସମୟ ହେବ ଘଟଣା ସ୍ଥଳରେ ଚାପା ଉତ୍ତେଜନା ଲାଗି ରହିଛି।
Popular Categories
Previous article
Next article