ଟିଟିଲାଗଡ଼ : ରାଜ୍ୟ ବିଜେପି କୃଷକ ମୋର୍ଚ୍ଚା ସଭାପତି ମହେଶ୍ୱର ସାହୁ ଟିଟିଲାଗଡ଼ ଗସ୍ତରେ ଆସି ବ୍ଲକ ଅନ୍ତର୍ଗତ ବିନେକେଲା ଗ୍ରାମରେ ଆତ୍ମହତ୍ୟା କରିଥିବା ଚାଷୀ ଚମରୁ ବାଗଙ୍କ ପରିବାରଙ୍କୁ ସାକ୍ଷାତ କରିଥିଲେ। ଦଳ ପକ୍ଷରୁ ସମବେଦନା ଜଣାଇବା ସହ ୫ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରିଥିଲେ। ପରିବାର ସହ ସାକ୍ଷାତ କରି ମୃତ ଚାଷୀ ପରିବାରଙ୍କୁ ସରକାର ତୁରନ୍ତ ୨୦ ଲକ୍ଷ ଟଙ୍କା ପ୍ରଦାନ କରିବାକୁ ସେ ଦାବି କରିଛନ୍ତି। ଶ୍ରୀ ସାହୁ ଏହି ଅବସରରେ ବିଭିନ୍ନ ଧାନ ମଣ୍ଡି ଗସ୍ତ ସହ ଚାଷୀଙ୍କ ସହ ଆଲୋଚନା କରିଥିଲେ । ମଣ୍ଡିରେ ବିଭିନ୍ନ କାରଣ ଦର୍ଶାଇ କଟନି ଛଟନି କରାଯାଉଥିବା ଚାଷୀ ଅଭିଯୋଗ କରିଥିଲେ। କୃଷକ ମୋର୍ଚ୍ଚାର ସାଧାରଣ ସମ୍ପାଦକ ଉପେନ୍ଦ୍ର ଭଞ୍ଜ, ସମ୍ପାଦକ ମହେନ୍ଦ୍ର ଠାକୁର, ରାଜ୍ୟ ସଂଯୋଜକ ଜଗନ୍ନାଥ ମହାପାତ୍ର, ଜିଲା ସଭାପତି ମାଧବ ସାଏ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ରାଜକିଶୋର ମେଣ୍ଡଳୀ, ସ୍ୱତନ୍ତ୍ର ନିମନ୍ତ୍ରିତ ସଭ୍ୟ, ଏସସି ମୋର୍ଚ୍ଚା ରାଜ୍ୟ ସଂଯୋଜକ ଚେୟାରମେନ ବାଗ ଜିଲା କାର୍ଯ୍ୟକାରିଣୀ ସଦସ୍ୟ ନବୀନ ଜୈନ, ସଞ୍ଜୟ ତ୍ରିପାଠୀ, ଅଶ୍ୱିନୀ ସାହୁ, ଏସଟି ମୋର୍ଚ୍ଚା ନଗର ସଭାପତି ଅଶୋକ ଭୋଇ, ରଶ୍ମିରଞ୍ଜନ ଖମାରି ପ୍ରମୁଖ ଏହି ଗସ୍ତରେ ସାମିଲ ହୋଇଥିଲେ।
Popular Categories
Previous article
Next article