ଟିଟିଲାଗଡ଼: ଟିଟିଲାଗଡ଼ ବ୍ଲକ ଅନ୍ତର୍ଗତ ବିନେକେଲା ଗ୍ରାମର କେଶରୀ ବାଗଙ୍କ ପୁଅ ଚାଷୀ ଚମରୁ ବାଗ (୪୯) କୀଟନାଶକ ପାନ କରି ଆତ୍ମହତ୍ୟା କରିଥିବା ଜଣାଯାଇଛି। ଗତକାଲି ସନ୍ଧ୍ୟାରେ ସେ ବିଷପାନ କରିଥିବା ଜଣା ପଡିବା ପରେ ପ୍ରଥମେ ଟିଟିଲାଗଡ଼ ଡାକ୍ତରଖାନା ଏବଂ ପରେ ବଲାଙ୍ଗୀର ଡାକ୍ତରଖାନାରେ ଭର୍ତି କରାଯାଇଥିଲା। ସେଠାରେ ଗତ ରାତ୍ରିରେ ତାଙ୍କ ମୃତ୍ୟୁ ଘଟିଛି। ଚମରୁ ତାଙ୍କ ପ୍ରାୟ ଦୁଇ ଏକର ଚାଷ ଜମିରେ ଧାନ ଚାଷ କରିଥିଲେ। ବାଡ଼ିରେ କୋବି ଚାଷ ମଧ୍ୟ କରିଥିଲେ। ତାଙ୍କ ପତ୍ନୀ ତଥା ଦୁଇ ପୁଅ ଜଗଦିଶ ଏବଂ ଗଜପତି ଅଛନ୍ତି। ସେମାନେ ଦାଦନ ଘଟିବାକୁ ବାହାରକୁ ଯାଇଛନ୍ତି। ସେ କୌଣସି ବ୍ୟାଙ୍କରୁ ଋଣ କରିନଥିବା ଜଣାଯାଇଛି। ଫସଲ ମଧ୍ୟ ଭଲ ହୋଇଥିଲା। ତାଙ୍କୁ ମିଳିଥିବା ପ୍ରଧାନମନ୍ତ୍ରୀ ଆବାସରେ ପରିବାର ରହୁଥିଲେ। ତେବେ ସେ ପ୍ରତିଦିନ ପ୍ରଚୁର ମଦ ପିଉଥିବା କିଛି ଗ୍ରାମବାସୀ କହିଛନ୍ତି। ତାଙ୍କର ଆତ୍ମହତ୍ୟାର କାରଣ ଜଣାପଡ଼ିନାହିଁ।
Popular Categories
Previous article
Next article