ନୂଆଦିଲ୍ଲୀ – ପ୍ରତିଦନି ଲକ୍ଷ ଲକ୍ଷ ଯାତ୍ରୀମାନେ ଦେଶର ବିଭିନ୍ ଗନ୍ତବ୍ୟସ୍ଥଳକୁ ଯାତ୍ରା କରିଥାଆନ୍ତି । ଏହି ସମୟରେ ଲୋକମାନେ ରେଳରେ ଖାଦ୍ୟ ବରାଦ କରିଥାଆନ୍ତି । ରେଳରେ ଥିବା ପାଣ୍ଟ୍ରି କାର୍ରେ ତ କେତେବେଳେ ଆଇଆରସିଟିସି ଦ୍ୱାରା ପରିଚାଳିତ ପାଣ୍ଟ୍ରିରେ ଖାଦ୍ୟ ବରାଦ କରିଥାଆନ୍ତି । ଏବେ ଆଇଆର୍ସିଟିସି ଦ୍ୱାରା ପରିଚାଳିତ ଏକ ପାଣ୍ଟ୍ରିରେ ଯାତ୍ରୀମାନଙ୍କୁ ନିରାମିଷ ଖାଦ୍ୟ ପାଇଁ ଅଧିକ ଟଙ୍କା ନିଆଯାଉଥିବା ଅଭିଯୋଗ ଆସିଥିଲା । ଏହି ଅଭିଯୋଗ ମିଳିବା ପରେ ସମ୍ପୃକ୍ତ ପାଣ୍ଟ୍ରି ପରିଚାଳକଙ୍କୁ ହଟାଇ ଦିଆଯାଇଛି ।
Dear @IRCTCofficial I was travelling from Patna to Delhi In Brahmaputra exp train no 15658 coach M2 (8dec) with my family. We had a total of 10 seats. We ordered dinner. The IRCTC dinner person told us the price of veg thali to be ₹150. We clearly told him we will need the bill.…
— ruchi kokcha (@ruchikokcha) December 9, 2023
ରୁଚିକା କୋଚା ନାମକ ମହିଳା ପାଟନାରୁ ଦିଲ୍ଲୀ ବ୍ରହ୍ମପୁତ୍ର ଏକ୍ସପ୍ରେସରେ ଯାତ୍ରା କରୁଥିଲେ । ଏହି ସମୟରେ ସେ ନିଜ ପାଇଁ ଏବି ନିଜ ପରିବାର ପାଇଁ ନିରାମିଷ ରାତ୍ର ଭୋଜନ ବରାଦ କରିଥିଲେ । ତାଙ୍କ ସହ ତାଙ୍କ ପରିବାରର ୧୦ ଜଣ ଯାତ୍ରା କରୁଥିଲେ । ଆଇଆର୍ସିଟିସି ଦ୍ୱାରା ପରିଚାଳିତ ପାଣ୍ଟ୍ରିରୁ ତାଙ୍କ ପାଇଁ ଖାଦ୍ୟ ଆସିଥିଲା । ଏହା ପରେ ଖାଦ୍ୟ ଦେଇଥିବା ବ୍ୟକ୍ତି ତାଙ୍କୁ ପ୍ରତି ଥାଳି ୧୫୦ ଟଙ୍କା ଲେଖାଏଁ ଦେବା ପାଇଁ କହିଥିଲେ । ପ୍ରକୃତ ପକ୍ଷେ ଏହାର ଦର ୭୦ ଟଙ୍କା ଥିବା ବେଳେ ଅଧିକ କାହିଁକି ନେଲ ବୋଲି ମହିଳା ଜଣଙ୍କ ପଚାରିଥିଲେ । ଏହାର ବିଲ୍ ଦେବା ପାଇଁ ସେ କହିଥିଲେ । ପ୍ରଥମେ ସେହି ବ୍ୟକ୍ତି ବିଲ୍ ଦେବା ପାଇଁ ମନା କରିଥିଲେ । ପରେ ସେ ପ୍ରତି ଥାଳୀ ପାଇଁ ୭୦ ଟଙ୍କା ଏବଂ ପନିର ପାଇଁ ୮୦ ଟଙ୍କା ଅଲଗା ଅଲଗା ବିଲ୍ କରିଥିଲେ । ଏହା ସହ ଏକ ଘଣ୍ଟା ଯୁକ୍ତିତର୍କ କରିଥିବା ମହିଳା ଜଣଙ୍କ ନିଜର ଏକ୍ସ (ପୂର୍ବରୁ ଟ୍ୱିଟର) ଆକାଉଣ୍ଟରେ ଉଲ୍ଲେଖ କରିଛନ୍ତି ।
ମାତ୍ର ଆଇଆର୍ସିଟି ପକ୍ଷରୁ ପରିଚାଳିତ ପାଣ୍ଟ୍ରିରେ ଅଲଗା ଅଲଗା ବିଲ୍ ଦିଆଯାଏ ନାହିଁ ବୋଲି ମହିଳା ଜଣ କହିବାରୁ ପ୍ରାଣ୍ଟ୍ରି ମ୍ୟାନେଜର ଆସି କେବଳ ୭୦ ଟଙ୍କା ଲେଖାଏଁ ଦେବା ପାଇଁ କହିଥିଲେ । ଅନ୍ୟମାନଙ୍କ ଠାରୁ ସେ ୧୫୦ ଟଙ୍କା ନେଉଥିବାରୁ ମହିଳା ଜଣଙ୍କ ଏହାକୁ ଟ୍ୱିଟରରେ ସେୟାର କରିବା ସହ ରେଳମମନ୍ତ୍ରାଳୟକୁ ଟ୍ୟାଗ କରିଥିଲେ । ଏହା ପରେ ଆଇଆର୍ସିଟି ପକ୍ଷରୁ ଘଟଣାର ଯାଞ୍ଚ କରାଯାଇ ସମ୍ପୃକ୍ତ ଟ୍ରେନରେ କ୍ୟାଟରିଂ ନେଇଥିବା ବ୍ୟକ୍ତିଙ୍କୁ ହଟାଇ ଦିଆଯାଇଛି ବୋଲି ଉଲ୍ଲେଖ କରାଯାଇଛି ।
