ସମ୍ବଲପୁର : ପୂର୍ବରୁ ବିବାହିତା ସ୍ତ୍ରୀ ସହିତ ୩ଟି ପୁତ୍ର ସନ୍ତାନ ଥିବା ସତ୍ୱେ ସ୍ୱାମୀ ଲୁଚି ଛପି ଦ୍ୱିତୀୟ ବିବାହ କରିବା ଭଳି ଏକ ଘଟଣା ସମ୍ବଲପୁରରେ ସମ୍ମୁଖକୁ ଆସିଛି । ଅଇଁଠାପାଲି ଥାନା ଅର୍ନ୍ତଗତ ପରଧିଆପାଲି ନିବାସୀ ଗୋପାଳ ସାହୁ ପ୍ରାୟ ୧୦ ବର୍ଷ ତଳେ ନିବେଦିତା ସାହୁଙ୍କୁ ବିବାହ କରିଥିଲେ। ଥାନାରେ ନିବେଦିତା ଦେଇଥିବା ଅଭିଯୋଗ ଅନୁଯାୟୀ, ବିବାହ ପରେ ସେମାନଙ୍କର ୩ଟି ପୁତ୍ର ସନ୍ତାନ ଥିବା ବେଳେ କିନ୍ତୁ ସ୍ୱାମୀ ଗୋପାଳ ସ୍ତ୍ରୀ ନିବେଦିତାଙ୍କୁ ଶାରିରୀକ ଓ ମାନସିକ ନିର୍ଯ୍ୟାତନା ଦେଇ ଆସିବା ସହିତ ଜୀବନରେ ମାରିଦେବାକୁ ଧମକଚମକ ଦେଇ ଆସୁଛନ୍ତି । ସୋମବାର ପୀଡିତା ମହିଳା ଖବର ପାଇଥିଲେ ଯେ, ତାଙ୍କର ଅଜାଣତରେ ସ୍ୱାମୀ ଗୋପାଳ ଗତ ୨୪ ତାରିଖରେ ଝାରସୁଗୁଡା ଜିଲାର ବ୍ରଜରାଜନଗର ଅଞ୍ଚଳର ଜଣେ ଝିଅଙ୍କୁ ବିବାହ କରିବା ପରେ ସ୍ଥାନୀୟ ବୁଢ଼ାରଜା ଅଞ୍ଚଳରେ ଏକ ଭଡା ଘରେ ଏକତ୍ର ରହୁଛନ୍ତି । ଏହି ବିବାହର ଫଟୋ ଭାଇରାଲ ହେବାରୁ ସେ ଜାଣିବା ପରେ ଥାନାରେ ଅଭିଯୋଗ କରିଥିଲେ। ଏଣୁ ସେ ଏହାର ପ୍ରତିବାଦ କରିବା ସହିତ ଥାନାରେ ଦ୍ୱାରସ୍ଥ ହୋଇ ତାଙ୍କର ଓ ୩ ଜଣ ଛୁଆ ମାନଙ୍କୁ ଉଚିତ ନ୍ୟାୟ ପ୍ରଦାନ କରିବା ପାଇଁ ଦାବି କରିଛନ୍ତି । ଏ ନେଇ ଅଭିଯୋଗ ହେବାର ପରେ ଅଇଁଠାପାଲି ଥାନାରେ ପୁଲିସ ମାମଲା ରୁଜୁ କରି ଅଭିଯୁକ୍ତ ସ୍ୱାମୀ ଗୋପାଳ ସାହୁ ଗିରଫ କରିଛି ।
Popular Categories
Previous article
Next article