କୋରାପୁଟ : ମର୍ମନ୍ତୁଦ ସଡକ ଦୁର୍ଘଟଣାରେ ଚାଲିଗଲା ଗୋଟିଏ ପରିବାରର ୩ ଜଣଙ୍କ ଜୀବନ। ବିଶାଖାପାଟଣା ଯିବା ବେଳେ କାର୍ଟି ଭାରସାମ୍ୟ ହରାଇ ଘାଟି ତଳକୁ ଖସି ୩ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ବାପା,ମାଆ ଓ ସ୍ୱାମୀ ରହିଥିବା ବେଳେ ଝିଅ ଆହତ ହୋଇଥିଲେ। କୋରାପୁଟ ଜିଲା ପଟ୍ଟାଙ୍ଗି ଥାନା ଅନ୍ତର୍ଗତ ଯୋଡିମାଦେଲି ଘାଟିରେ ଏହି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ସଭିଁଙ୍କ ଘର ଛତିଶଗଡ ରାଜଗାଓଁରେ ବୋଲି ଜଣାପଡିଛି।
ସୂଚନାନୁଯାୟୀ, ଏକ କାର୍ ଯୋଗେ ଶାଶୁ,ଶ୍ୱଶୁର,ଝିଅ ଓ ଜ୍ୱାଇଁ ଛତିଶଗଡରୁ ରାଜଗାଓଁରୁ ବିଶାଖାପାଟଣା ବୁଲିବାକୁ ଯାଉଥିବା ସମୟରେ ଆଜି ଭୋର ପ୍ରାୟ ୫ଟା ସମୟରେ ଘାଟିରେ କାରଟି ଭାରସାମ୍ୟ ହରାଇ ଓଲଟି ପଡିଥିଲା। ସ୍ଥାନୀୟ ଲୋକେ ଓ ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ସଭିଁଙ୍କୁ ଉଦ୍ଧାର କରିଥିଲେ। ପୁଲିସ ଗାଡିକୁ ଜବତ କରି ଘଟଣାର ତଦନ୍ତ କରୁଛି।
