ଚୌଦ୍ୱାର : ଚୌଦ୍ୱାର ପୌରପାଳିକା ୧୭ନଂ ୱାର୍ଡ ସୁଇପର କଲୋନି ବସ୍ତିବାସିନ୍ଦା ସଂଘର ଏକ ଜରୁରୀ ବୈଠକ ଶୁକ୍ରବାର ଅନୁଷ୍ଠିତ ହୋଇଯାଇଛି । ସଂଘର ସଭାପତି ପ୍ରକାଶ କୁମାର ଗୋଚ୍ଛାୟତଙ୍କ ତତ୍ୱାବଧାନରେ ଅନୁଷ୍ଠିତ ଏହି ବୈଠକରେ ପୌର ଉପାଧ୍ୟକ୍ଷ ଶୁଭେନ୍ଦୁ ସାମଲ ଅତିଥି ଭାବେ ଯୋଗଦେଇ ବସ୍ତିରେ ଥିବା ବିଭିନ୍ନ ସମସ୍ୟା ଓ ଲୋକମାନଙ୍କର ଥିବା ଅଭିଯୋଗ ଗୁଡିକୁ ଶୁଣିବା ସହିତ ଏହାର ସମାଧାନ ଦିଗରେ ପୌରପାଳିକା ତରଫରୁ ତ୍ୱରିତ ପଦକ୍ଷେପ ଗ୍ରହଣ କରାଯିବା ପାଇଁ ପ୍ରତିଶୃତି ଦେଇଥିଲେ। ଜାଗା ମିଶନରେ ବସ୍ତି ଗୁଡିକୁ ବାସପୋଯୋଗୀ କରିବା ପାଇଁ ମୁଖ୍ୟମନ୍ତ୍ରୀ ଦେଇଥିବା ପ୍ରତିଶୃତିକୁ ତୁରନ୍ତ ପୁରଣ କରିବା ପାଇଁ ସମସ୍ତ ପ୍ରକାର କାର୍ଯ୍ୟକୁ ତୁରନ୍ତ କାର୍ଯ୍ୟକ୍ଷମ କରାଯିବା ବୋଲି ଶ୍ରୀ ସାମଲ ମତ ପ୍ରକାଶ କରିଥିଲେ । ଆଗାମୀ ଦିନରେ ବସ୍ତି ବାସିନ୍ଦାଙ୍କର ସମସ୍ତ ମୌଳିକ ସୁବିଧା ଦିିଗରେ ଗୁରୁତ୍ୱ ପ୍ରଦାନ କରାଯିବ ବୋଲି ସ୍ଥାନୀୟ କାଉନସିଲର ଆଶୁତୋଷ ଦାସ ପ୍ରକାଶ କରିଥିଲେ। ଅନ୍ୟମାନଙ୍କ ମଧ୍ୟରେ ଜାଗା ମିଶନ ଗୋଷ୍ଠୀ ସଂଯୋଜିକା ନିକିତା ଜେନା, ୱାର୍ଡ ଅଫିସର ରଶ୍ମି ରଞ୍ଜନ ଦାସ, ଆବାସ ନୋଡାଲ ଅଫିସର ଦେବାଦାସ ପଣ୍ଡା, ପ୍ରହଲ୍ଲାଦ ସାହୁ, ବିଭୁ ମହାନ୍ତି, ଟିକିନା ନାଏକ, ଗେଡ ନାଏକ ପ୍ରମୁଖ ଉପସ୍ଥିତ ଥିଲେ। ସଂଘର ସଂପାଦକ ମିଥୁନ ନାଏକ ଧନ୍ୟବାଦ ଅର୍ପଣ କରିଥିଲେ ।
Popular Categories
Previous article
Next article