ଧାମରା : ଧାମରାରେ ମା’ ଧାମରାଇ ଆଂଚଳିକ ବୋଇତ ବନ୍ଦାଣ ଉତ୍ସବ କମିଟିର ପ୍ରସ୍ତୁତି ବୈଠକ ନରହରି ମଲିକଙ୍କ ଆବାହକତ୍ୱରେ ଧାମରାଇ ମନ୍ଦିର ପାନ୍ଥଶାଳାରେ ଅନୁଷ୍ଠିତ ହୋଇଯାଇଛି । ଏହି ପ୍ରସ୍ତୁତି ବୈଠକରେ ଆସନ୍ତା ୨୭ ତାରିଖ ବୋଇତ ବନ୍ଦାଣ ପର୍ବକୁ କିପରି ଶାନ୍ତି ଶୃଙ୍ଖଳା ସହ ପାଳନ କରାଯିବ ସେ ନେଇ ଆଲୋଚନା ଏବଂ ପର୍ଯ୍ୟାଲୋଚନା ହୋଇଥିଲା । ଦୀର୍ଘ ୧୫ବର୍ଷ ହେବ ଏହି ବୋଇତ ବନ୍ଦାଣ ଉତ୍ସବ ପାଳିତ ହୋଇ ଆସୁଥିବା ବେଳେ ଏହି ଉତ୍ସବ ୧୬ବର୍ଷରେ ଏହା ପଦାର୍ପଣ କରିଛି ।
ଏହି ଉତ୍ସବରେ ବିଧାୟକ ସୁରେଶ ରାଉତରାୟ, ତାରାପ୍ରସାଦ ବାହିନୀ ପତି, ରମେଶ ଜେନା, ପୂର୍ବତନ ମୁଖ୍ୟ ଶାସନ ସଚିବ ବିଜୟ ପଟ୍ଟନାୟକ ଓ ପୂର୍ବତନ ମନ୍ତ୍ରୀ ଗଣେଶ୍ୱର ବେହେରା ଆସିବେ ବୋଲି ସ୍ୱୀକୃତି ଦେଇଥିବା ପ୍ରସ୍ତୁତି ବୈଠକରେ ଆଲୋଚନା ହୋଇଥିଲା । ଏଥିସହ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ। ବୈଠକରେ ଚାନ୍ଦବାଲି ନିର୍ବାଚନ ମଣ୍ଡଳୀ ନେତା ଅମୀୟ କୁମାର ମହାପାତ୍ର, ଦିଗମ୍ବର ଦାସ, ପ୍ରଚାର କମିଟି ଅଧ୍ୟକ୍ଷ ନରହରି ମଲିକ, ନରେନ୍ଦ୍ର ନାୟକ, ଗଦାଧର ନାୟକ, ନରେନ୍ଦ୍ର ମାଇତି , ସୁରେନ୍ଦ୍ର ଜେନା, ଦେବାଶିଷ ନାୟକ, ରାଜ କିଶୋର ଦିନ୍ଦା, ବିଜୟ ବେହେରା, ଉମେଶ ମହାକୁଡ, ସେକ ଜିଆଦ, ଶରତ ଦଳେଇ, ତାରାକାନ୍ତ ସେଠୀ, ପୂର୍ଣ୍ଣଚନ୍ଦ୍ର ମାଝୀଙ୍କ ସମେତ ମା’ ଧାମରାଇ ଆଂଚଳିକ ବୋଇତ ବନ୍ଦାଣ ଉତ୍ସବ କମିଟିର ବହୁ ସଭ୍ୟ ଯୋଗ ଦେଇଥିଲେ।
