ଗୁରୁଡିଝାଟିଆ: ଢେଙ୍କାନାଳ ଲକ୍ଷ୍ମୀପୂଜା ଦେଖି ୨ବନ୍ଧୁ ଘରକୁ ଫେରୁଥିବା ବେଳେ ସଡ଼କ ଦୁର୍ଘଟଣାରେ ସେମାନଙ୍କ ମୃତ୍ୟୁ ହୋଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇଦେଇଛି। ଘଟଣାସ୍ଥଳରେ ଗୁରୁଡିଝାଟିଆ ପୋଲିସ ପହଞ୍ଚି ମୃତଦେହକୁ ଜବତ ପରେ ବ୍ୟବଚ୍ଛେଦ ପାଇଁ ଆଠଗଡ ଉପଖଣ୍ଡ ଚିକିତ୍ସାଳୟକୁ ପଠାଇଛି।
ପ୍ରକାଶଯୋଗ୍ୟ ବୁଧବାର ବିଳମ୍ବିତ ରାତିରେ ରଜତ୍ ମହାରଣା(୨୭) ଓ ତାର ସାଙ୍ଗ ସୋମନାଥ ହରିଚନ୍ଦନ(୨୭) ବାଇକ ଯୋଗେ ଢେଙ୍କାନାଳ ଲକ୍ଷ୍ମୀପୂଜା ଦେଖି ୫୫ନଂ ଜାତୀୟ ରାଜପଥ ଦେଇ ଆସୁଥିବା ବେଳେ କପୁରସିଂ ହନୁମାନ ମନ୍ଦିର ନିକଟରେ ଏକ ଅଜଣା ଗାଡି ସେମାନଙ୍କ ବାଇକକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ୨ବନ୍ଧୁଙ୍କ ମୃତ୍ୟୁ ଘଟିଥିଲା । ଏନେଇ ରଜତର ଭିଣୋଇ ଚୌଦ୍ୱାର ଆଗ୍ରାହାଟ ଗ୍ରାମର ପରେଶ ରଞ୍ଜନ ଓଝା ଗୁରୁଡିଝାଟିଆ ଥାନାରେ ଲିଖିତ ଅଭିଯୋଗ କରିଛନ୍ତି। ମୃତଦେହ ବ୍ୟବଚ୍ଛେଦ ପରେ ୨ ବନ୍ଧୁଙ୍କ ମରଶରୀରକୁ ସେମାନଙ୍କ ପରିବାରକୁ ହସ୍ତାନନ୍ତର କରାଯାଇଛି।
Comments are closed.