ଡେସ୍କ: ୨୦୨୩-୨୪ ଶିକ୍ଷାବର୍ଷରେ ଯୁକ୍ତ ୩ (ସ୍ନାତକ)ରେ ଖାଲି ପଡ଼ିଥିବା ଆସନ ପୂରଣ ପାଇଁ ତୃତୀୟ ପର୍ଯ୍ୟାୟ ନାମଲେଖା ନିମନ୍ତେ ଉଚ୍ଚଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ସାମ୍ସ ୱେବ୍ସାଇଟ୍ରେ ନଭେମ୍ବର ୪ ତାରିଖ ଅପରାହ୍ନ ୪ଟାରୁ କମନ୍ ଆପ୍ଲିକେସନ୍ ଫର୍ମ ଉପଲବ୍ଧ ହେବ। ତୃତୀୟ ପର୍ଯ୍ୟାୟ ନାମଲେଖା ପାଇଁ ଆସନ୍ତା ୪ ତାରିଖରୁ ଆବେଦନ ଆରମ୍ଭ ହୋଇ ୧୨ରେ ସରିବ। ୧୭ ତାରିଖ ଅପରାହ୍ନ ୪ଟାରେ ପ୍ରୋଭିଜିନାଲ ସିଟ୍ ଆବଣ୍ଟନ ତାଲିକା ପ୍ରକାଶ ପାଇବ। ମନୋନୀତ ଛାତ୍ରଛାତ୍ରୀ ୧୮ ତାରିଖରୁ ୨୦ତାରିଖ ସନ୍ଧ୍ୟା ୫ଟା ଭିତରେ (ଛୁଟିଦିନ ବ୍ୟତୀତ) ନାମ ଲେଖାଇବେ। ନଭେମ୍ବର ୨୧ ଓ ୨୨ରେ ୱେଟିଂ ନାମଲେଖା ପାଇଁ ଆବେଦନ ଓ ୨୫ ତାରିଖରେ ମେଧା ତାଲିକା ପ୍ରକାଶ ପାଇବ। ଏଥିରେ ମନୋନୀତ ହୋଇଥିବା ଛାତ୍ରଛାତ୍ରୀମାନେ ନଭେମ୍ବର ୨୮ରୁ ୨୯ ମଧ୍ୟରେ ନାମ ଲେଖାଇବେ।
ସୂଚନାଯୋଗ୍ୟ, ରାଜ୍ୟର ମୋଟ ୧,୦୪୭ ଡିଗ୍ରୀ କଲେଜରେ ୨,୭୧,୦୯୧ ସିଟ୍ ରହିଛି। ସେଥିମଧ୍ୟରୁ ୧,୮୭,୦୫୬ ଜଣ ନାମ ଲେଖାଇଥିବା ବେଳେ ୮୪,୦୭୫ ସିଟ୍ ଖାଲି ପଡିଥିବା ଜଣାପଡ଼ିଛି।
