ଆରଡି: ଭଦ୍ରକ ଏସପିଙ୍କ ନିର୍ଦେଶକ୍ରମେ ଧାମନଗର ଏସଡିପିଓ ବିଜୟ ଶଙ୍କର ମହାନ୍ତିଙ୍କ ତତ୍ବବଧାନରେ ଧୁଷୁରୀ ଥାନାଅଧିକାରିଣୀ ବନାନୀ ବେହେରା, ଆରଡି ଫାଣ୍ଡି ଅଧିକାରୀ ସୁରେନ୍ଦ୍ର ମଲ, ଏସ ଆଇ ବାସୁଦେବ ଓରାମ, ଚିନ୍ମୟୀ ବିଶ୍ବାଳ ପ୍ରମୁଖ ଆରଡିପୀଠର ଏକ ହୋଟେଲରେ ଅଚାନକ ଚଢାଉ କରିଥିଲେ। ଚଢାଉ ସମୟରେ ୩ଟି କୋଠରୀରୁ ୩ ଯୁବତୀଙ୍କ ସହ ୩ଯୁବକଙ୍କୁ ଅସଙ୍ଗତ ଭାବେ ଧରିଥିଲେ। ଏଥିସହ ହୋଟେଲର କେୟାଟେକରଙ୍କୁ ମଧ୍ୟ ପୁଲିସ ଧରି ଥାନାକୁ ଆଣିଥିଲା। ଏହି ଚଢାଉ ସମୟରେ ହୋଟେଲ ରୁମରେ ଥିବା କିଛି ମେଡିସିନ ଓ ଅନ୍ୟାନ୍ୟ ସାମଗ୍ରୀକୁ ଜବତ କରିଛି ପୁଲିସ।
ଆରଡିପୀଠରେ ବେନିୟମ ଭାବେ ଗଢି ଉଠୁଥିବା ବିଭିନ୍ନ ଲଜ ହୋଟେଲରେ ସେକ୍ସ୍ ରାକେଟ ଚାଲୁଥିବା ଅଭିଯୋଗ ହୋଇଆସୁଥିଲା। ତେବେ ଆଜି ଧୁଷୁରୀ ପୁଲିସର ଏକ ଟିମ ହୋଟେଲ ରେ ଚଡ଼ାଉ କରି ଯାଜପୁର ଅଞ୍ଚଳର ୨ଯୁବକ ସହିତ ୨ ଯୁବତୀ ଓ ଭଦ୍ରକ ଅର୍ଣ୍ଣପାଳ ଅଞ୍ଚଳର ୧ଜଣ ଯୁବକ ସହିତ ଜଣେ ଯୁବତୀକୁ ପୁଲିସ ଧରି ଥାନାରେ ଅଟକ ରଖି ପଚରା ଉଚରା କରୁଛି। ତେବେ ଅନ୍ୟ ଜଣେ ଯୁବକ ହୋଟେଲ କର୍ମଚାରୀ ରହିଥିବା ଧାମନଗର ଏସଡିପିଓ ଶ୍ରୀ ମହାନ୍ତି ପ୍ରେସମିଟରେ ସୂଚନା ଦେଇଛନ୍ତି।
Comments are closed.